Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
4009

Ağstafada “Yurd yerlərimiz yolumuzu gözləyir” adlı anım tədbiri təşkil edilib

Ağstafa Regional Mədəniyyət İdarəsi Cəbrayıl, Füzuli və Qubadlı rayonlarının Ermənistan silahlı qüvvələri tərəfindən işğal olunmasının 26-cı ildönümünə həsr olunmuş “Yurd yerlərimiz yolumuzu gözləyir” başlıqlı anım tədbiri keçirib.

Tədbir iştirakçıları əvvəlcə Ağstafa rayon Şəhidlər xiyabanında torpaqlarımızın azadlığı və ərazi bütövlüyü uğrunda şəhid olmuş soydaşlarımızın məzarlarını ziyarət edərək, qəhrəmanlarımızın məzarları üstünə gül dəstələri qoyublar.

Tədbir iştirakçıları Ağstafa şəhərindəki Miniatür Azərbaycan Parkına gələrək qan yaddaşımızın tarixini əks etdirən kitab sərgisinə baxıblar. Tədbir iştirakçıları burada MKS-nin əməkdaşlarının hazırladıqları ədəbi kompozisiyaya tamaşa ediblər.

Sonra mədəniyyət müəssisələrinin əməkdaşlarının iştirakı ilə rayondakı Heydər Əliyev Mərkəzində elmi-praktik konfrans keçirilib. Şəhidlərin ruhunun bir dəqiqəlik sükutla yad edilməsilə başlayan tədbirdə əvvəl Virtual Qarabağ İKT Mərkəzinin istehsal etdiyi "Qarabağ-əcdadlarımızın mirası" filmi nümayiş etdirilib.

Tədbiri giriş sözü ilə açan Ağstafa Regional Mədəniyyət İdarəsinin rəisi Vüqar Qədirov Ermənistanın Azərbaycana silahlı təcavüzünün, beynəlxalq hüquq normalarına məhəl qoymadan işğal etdiyi ərazilərdə hələ də vandalizm hərəkətlərini həyata keçirməsinin davam etdiyini, Azərbaycanın qədim və əzəli torpaqlarında qeyri-qanuni məskunlaşma siyasətini həyata keçirdiklərini bildirib.

V.Qədirov çıxışında Prezident İlham Əliyevin apardığı uğurlu, vətənpərvər siyasətdən söz açaraq qeyd edib ki, Ali Baş Komandanın rəhbərliyi ilə Azərbaycan ordusu gündən-günə inkişaf etməkdədir. Bu gün Cəbrayıl rayonunun işğalının 26-cı ildönümünü qeyd etsək də, 2016-cı ildə Lələtəpədə gedən döyüşlər, Cocuq Mərcanlı kəndinin azad olunması və insanların öz dədə-baba torpaqlarına köçürülməsinin təmin olunması əhalidə böyük bir ruh yüksəkliyindən xəbər verir və dədə-baba torpaqlarımıza qayıdış inamımızı daha da artırır.

Ermənistanın Azərbaycana təcavüzünün dünya ictimaiyyətinə çatdırılmasında sosial şəbəkələrin də xüsusi yeri olduğunu bildirən idarənin KİV və sosial şəbəkələrlə iş üzrə məsul əməkdaşı Xəyal Nağıyev, bu istiqamətində işlərin gücləndirilməsinin vacibliyini vurğulayıb.

İdarənin digər əməkdaşları çıxış edərək bu məsələyə xüsusi diqqət ayırmağın vacibliyini və bu işdə gənclərin xüsusi rolunu qeyd ediblər.

XƏBƏRLƏR

15.09.2019 15:23
Musiqi Mədəniyyəti Dövlət Muzeyində Arif Məlikova həsr olunan tədbir keçirilib
15.09.2019 14:46
Qubada keçirilən beynəlxalq simpoziuma beş ölkədən 50-yə yaxın alim və tədqiqatçı qatılıb
15.09.2019 12:58
Özbəkistanda keçirilən Birinci Beynəlxalq Xalq Tətbiqi İncəsənət Festivalının rəsmi açılış mərasimi olub
14.09.2019 15:55
Nazir Əbülfəs Qarayev Özbəkistandakı Daşkənd Prezident Məktəbi və “Minor” məscid kompleksi ilə tanış olub
13.09.2019 16:43
Neftçalada “Sülh aylığı” ilə əlaqədar sərgi təşkil olunub
13.09.2019 16:06
Şəkidə infotur çərçivəsində konfrans keçirilib
13.09.2019 15:57
“Tarixi Yerlər və Abidələr” I Beynəlxalq Quba Simpoziumu keçirilir
12.09.2019 19:38
Nazir media nümayəndələrini mədəni sərvətimizin təbliğində, mədəni maarifləndirmə işində daha fəal olmağa çağırdı
12.09.2019 18:02
Mədəniyyət və ədəbiyyat xadimlərinə mükafatlar təqdim olundu
12.09.2019 16:48
Azərbaycan nümayəndə heyəti Beynəlxalq Muzeylər Şurasının (ICOM) 25-ci Baş Konfransında iştirak edib
12.09.2019 09:08
Bakıda IV İndoneziya mədəniyyəti festivalının açılışı olub
11.09.2019 17:30
Mədəniyyət naziri Rusiya nümayəndə heyətini qəbul etdi
11.09.2019 16:20
“Mədəniyyət naminə elm” layihəsi davam edir
11.09.2019 11:48
İspaniyalı turistlər Lənkəranın Xan sarayına baş çəkiblər
11.09.2019 11:21
Özbəkistanın nargis.uz portalında “Arşın mal alan” operettası haqqında məqalə verilib