Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
28.01.2022 15:29
Teatrşünas, rejissor Şaiq Səfərov vəfat edibAzərbaycan mədəniyyətinə ağır itki üz verib. Tanınmış teatrşünas, rejissor Şaiq Səfərov yanvarın 27-də, 67 yaşında vəfat edib. Şaiq Cabir oğlu Səfərov 1954-cü il dekabrın 18-də Bakı şəhərində anadan olub. O, 1972-1977-ci ilərdə Azərbaycan Dövlət İncəsənət İnstitutun Rejissorluq fakültəsini bitirib. Müxtəlif illərdə Gəncə Dövlət Dram, Sumqayıt Dövlət Dram, Azərbaycan Dövlət Akademik Milli Dram, Azərbaycan Dövlət Akademik Rus Dram teatrlarında çalışıb. 2012, 2014, 2016 və 2018-ci illərdə Beynəlxalq Teatr Konfransları, Beynəlxlaq Kukla Teatrları Festivalının Bakıda  keçirilməsi Şaiq Səfərovun adı ilə bağlıdır. O, dəfələrlə Azərbaycanı xarici ölkələrdə keçirilən teatr simpoziumlarında, festivallarında, treninqlərində, seminarlarda layiqincə təmsil edib. Şaiq Səfərov bir müddət Mədəniyyət Nazirliyinin İncəsənət şöbəsinin teatr sektorunun müdiri vəzifəsində çalışıb. Şaiq Səfərovun xatirəsi onu tanıyan sənətsevərlərin, həmkarlarının qəlbində yaşayacaq! Allah rəhmət eləsin! ..
28.01.2022 14:34
Mədəniyyət naziri BMT-nin Azərbaycandakı rezident əlaqələndiricisi ilə görüşübMədəniyyət naziri Anar Kərimov yanvarın 27-də Birləşmiş Millətlər Təşkilatının (BMT) Azərbaycan Respublikasındakı rezident əlaqələndiricisi xanım Vladanka Andreeva ilə görüşüb. Qonağı salamlayan Anar Kərimov artıq 30 illiyi qeyd edilən Azərbaycan-BMT münasibətlərindən söz açıb, ölkəmizin təşkilatın bir sıra institutları ilə fəal və səmərəli əməkdaşlığını vurğulayıb. Birgə əməkdaşlığın dərinləşdirilməsi və inkişaf etdirilməsi, qarşılıqlı dəstəyin əhəmiyyətini diqqətə çatdıran nazir müxtəlif xalqlar və mədəniyyətlər arasında dialoq və əməkdaşlığın inkişafı məqsədilə Azərbaycan Respublikasının Prezidenti İlham Əliyev tərəfindən 2008-ci ildə irəli sürülən və BMT tərəfindən dəstəklənən “Bakı Prosesi” təşəbbüsünü xatırladıb, bu təşəbbüsün məqsədləri istiqamətində çoxsaylı beynəlxalq tədbir və layihələrin gerçəkləşdirildiyini diqqətə çatdırıb. Görüşdə həmçinin nazir dövlətimizin BMT-nin Sivilizasiyalar Alyansı və İCESCO ilə birgə elan etdiyi “Mədəniyyət naminə sülh” (Peace4Culture) qlobal çağırışı barədə məlumat verib. Bildirilib ki, bu kampaniya mədəni irsin qorunması, dinc və dayanıqlı sülhsevər cəmiyyətlərin qurulması və beynəlxalq sülh sistemlərinin gücləndirilməsi, eləcə də sülhün əldə olunmasında mədəniyyətin rolu ilə yanaşı, mədəniyyətin inkişafında sülhün rolunun öyrənilməsi məqsədi daşıyır. Eyni zamanda bu layihənin “Bakı Prosesi” təşəbbüsü və 2010-cu ildə BMT Baş Assambleyası çərçivəsində irəli sürülmüş Dünya Mədəniyyətlərarası Dialoq Forumu ideyasının qlobal miqyasda davamını və ölkəmizin onun əsas ideyalarına sadiqliyini nümayiş etdirdiyi qeyd edilib. BMT-nin Azərbaycandakı Nümayəndəliyinin rəhbəri xanım Vladanka Andreeva qəbula görə nazirə təşəkkürünü bildirib. BMT-nin Azərbaycanla uzun illərə söykənən ikitərəfli əlaqələrinə istinad edərək birgə əməkdaşlığın növbəti illərdə də uğurla davam etdiriləcəyinə inandığını və bu istiqamətdə səylərini əsirgəməyəcəyini vurğulayıb. Görüş Azərbaycanla BMT arasında mədəniyyət sahəsində əməkdaşlıq məsələlərinin müzakirəsi, gələcək əməkdaşlıq imkanları, yeni proqram və layihələrin həyata keçirilməsi barədə fikir mübadiləsi ilə davam edib. ..
28.01.2022 12:13
“Kitabi-Dədə Qorqud” dastanı Özbək dilinə tərcüməsi başa çatıbÖzbəkistandakı Heydər Əliyev adına Azərbaycan Mədəniyyət Mərkəzinin “Azərbaycan ədəbiyyatı Özbək dilində” layihəsi əsasında Azərbaycan şifahi xalq ədəbiyyatının şedevrlərindən olan, ən qədim yazılı abidə  “Kitabi-Dədə Qorqud“ dastanı Özbək dilinə tərcümə olunmuşdur. “Kitabi-Dədə Qorqud” dastanına daxil olan on iki boyu Özbəkistanlı alim, tərcüman Babaxan Şarif Özbək dilinə çevirmişdir. Qeyd edək ki, Azərbaycan xalqının mədəni sərvətlər xəzinəsində müstəsna yer tutan və əsrlərdən bəri milli-mənəvi varlığın ayrılmaz tərkib hissəsinə çevrilən “Kitabi-Dədə Qorqud” eposu xalqımızın söz abidəsidir. Bu dastan yalnız Azərbaycan xalqının deyil, bütün Türk dünyasının əzəmətli tarixini yaşadan, onu bu günümüzə qovuşduran möhtəşəm sənət nümunəsidir. Bu bədii söz xəzinəsi türk xalqlarının tarixi salnaməsi, həyat ensiklopediyasıdır. Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov dastanın boylarının əsas mahiyyətinin xalqımızın qəhrəmanlıq tarixi, onun müdrikliyi, yurdun və xalqın qorunması, milli mədəniyyətimizin, adət və ənənələrimizin tərənnümü, xeyir qüvvələri təmsil edən qədim oğuzların yadelli işğalçılara - şər qüvvələrə qarşı mübarizəsi və s. xüsusiyyətlərin olduğunu qeyd edərək bu gün də sözügedən görüşlərin aktual və əhəmiyyətli olduğunu bildirib. Diplomat sözügedən əsərin insanlar arasındakı gözəl münasibətlər, humanizm, məhəbbət, ailə münasibətləri, anaya-qadına hörmət, övlad-valideyn münasibətləri, böyüklərə hörmət məsələlərinin bütün dastan boyu öz əksini tapdığını vurğulayaraq, dastanın gələcək nəsillərimiz olan uşaq və gənclərə, habelə cəmiyyətimizə daha çox tanıtmaq və təbliğ etməyin vacib olduğunu qeyd edib.  O, Türk dünyasının bir hissəsi olan, böyük mədəniyyət, ədəbiyyat beşiyi olan Özbəkistanda da “Kitabi Dədə Qorqud” dastanına marağın böyük olduğunu və dastanın ölkənin elm, tədqiqat müəssisələrində öyrənildiyini, tədqiq edildiyini vurğulayıb. Məhz, bu marağı nəzərə alaraq, Özbəkistandakı Heydər Əliyev adına Azərbaycan Mədəniyyət Mərkəzi bu il ““Kitabi Dədə Qorqud” dastanı Azərbaycan, Türk dünyası şifahi xalq ədəbiyyatının zirvəsi, ən qədim yazılı abidəmiz” adlı beynəlxalq konfransın keçirilməsini, habelə Özbək dilinə tərcümə olunmuş dastanın Daşkənddə nəşrini planlaşdırır. Azərbaycan Mədəniyyət Mərkəzi xalqımızın qədim tarixi, zəngin mədəniyyəti, adət və ənənələrini təbliğ etmək məqsədi ilə Azərbaycan xalq ədəbiyyatının ən qədim yazılı abidəsi olan “Kitabi-Dədə Qorqud” dastanı haqqında “Wikipedia.org” Beynəlxalq Elektron Ensiklopediyasında özbək dilində bölmə yaradılıb. Yaradılmış səhifə ilə https://uz.wikipedia.org/wiki/Kitobi_dadam_Qo%CA%BBrqut linkində tanış olmaq mümkündür və sözügedən bölmədə “Kitabi-Dədə Qorqud” dastanının tarixi, dastanın boyları, qəhrəmanları, dastanın dünyada həyata keçirilən tərcümələri, filmoqrafiyası, bu mövzuda həyata keçirilən araşdırma əsərləri yer alıb. ..
28.01.2022 12:04
Gənclər gününə həsr olunmuş “AXIN” adlı sərgi keçiriləcəkAzərbaycan Respublikası Mədəniyyət Nazirliyi, Azərbaycan Dövlət Rəsm Qalereyasının və Heydər Əliyev sarayının təşkilatçılığı ilə 1 fevral 2022-ci il tarixində saat 18:00-da Heydər Əliyev Sarayında “Bizi birləşdirən mədəniyyət” layihəsi çərçivəsində 2 Fevral – Gənclər gününə həsr olunmuş “AXIN” adlı sərgi keçiriləcək. Sərgi gənclərin cəmiyyətdəki fəallığının təmin edilməsi, istedad və bacarıqlarının üzə çıxarılması, mədəni tədbir və layihələrdə iştiraklarının dəstəklənməsi, bədii-estetik zövqünün formalaşdırılması məqsədilə keçiriləcək. Sərginin ekspozisiyasında 40 nəfərə yaxın gənc rəssamın əsəri sərgilənəcək. ..
28.01.2022 11:54
Mingəçevir Dövlət Dram Teatrında yeni təyinatMədəniyyət nazirinin əmri ilə Vüsal Mehrəliyev Mingəçevir Dövlət Dram Teatrına baş rejissor vəzifəsinə təyin olunub. Bununla bağlı nazirliyin İncəsənət və qeyri-maddi mədəni irs şöbəsinin müdiri Fərəh Acalova, teatr sektorunun müdiri Könül Əlizadə teatrın kollektivi ilə görüşərək, Vüsal Mehrəliyevi yaradıcı heyətə təqdim ediblər. Görüş zamanı çıxış edən F.Acalova Mədəniyyət Nazirliyinin bölgədə yerləşən teatrların hərtərəfli inkişafına diqqət yetirdiyi ilə yanaşı, onların peşəkar kadrlarla təmin olunmasına da böyük önəm verdiyini vurğuladı. Baş rejissor təyin edilən Vüsal Mehrəliyev də, öz növbəsində, ona göstərilən etimada görə Mədəniyyət Nazirliyinə təşəkkür edərək, teatra yeni nəfəs vermək üçün əlindən gələni əsirgəməyəcəyini qeyd etdi. ..
27.01.2022 18:05
III "Müasir Audiovizual Baxış" mükafatı təqdim olunduYanvarın 26-da Azərbaycan Respublikası Mədəniyyət Naziliyi və “AVTO FM“in (107.7 FM) dəstəyi ilə hər həftənin şənbə və bazar günləri yayımlanan “Cinema Radio” kino-radio kanalının III ənənəvi “Müasir Audiovizual Baxış” mükafatının təqdimetmə mərasimi keçirilib. Mərasimi açıq elan edən tədbirin aparıcısı, tanınmış aktyor Emin Nəsirli kino-radio kanal və onun mükafatı haqqında məlumat verib. Mərasimdə çıxış edənlər Mədəniyyət Nazirliyinin Audiovizual və interaktiv media şöbəsinin sektor müdiri Rüfət Əliyev, “ProMediaGroup“ MMC-nin təsisçisi və rəhbəri Cavid Nemətzadə, Azərbaycan Respublilası Dövlət Film Fondunun direktoru, Əməkdar incəsənət xadimi Cəmil Quliyev “Cinema Radio“ kino-radio kanalının formatı, onun əhəmiyyətindən danışıblar. “Cinema Radio” kino-radio kanalının rəhbəri “AzerNyuMedia“ şirkətinin icraçı direktoru Kamran Qasımov və kino-radio kanalın aparıcısı RJ Yaqut builki mükafatın sahibi onu elan ediblər. Mükafat 2021-ci ilin audiovizual yekunlarına əsasən, aktyor, ssenarist, aparıcı Azər Aydəmirə təqdim edilib. Mərasimdə Respublikanın Əməkdar artisti Xəyyam Mustafazadə “Oxuyur Müslüm Maqomayev” və “Odlar yurdu” filmlərindən əsərlər ifa edib. ..
27.01.2022 15:58
Mədəniyyət Nazirliyinin dəstəyi ilə 2022-ci ildə buraxılacaq nəşrlərin siyahısı müəyyənləşibMədəniyyət Nazirliyinin tabeçiliyində olan kitabxanaların fondu üçün Nazirliyin sifarişi ilə çap olunacaq və satın alınacaq nəşrlərə dair meyarların müəyyənləşdirilməsi, müvafiq sahə üzrə şəffaf və effektiv iş mexanizminin təmin edilməsi məqsədilə Nazirliyin 1 aprel 2021-ci il tarixli, 33-f nömrəli əmri ilə Nəşr Planının Tərtibi və Nəşriyyat Məhsullarının Satınalınması üzrə Komissiyası yaradılıb. Komissiya mədəniyyət, elm, ədəbiyyat, təhsil və digər aidiyyəti sahələr üzrə mütəxəssislərdən ibarət tərkibdə təşkil olunub. Mədəniyyət Nazirliyinə 2021-ci il ərzində təqdim edilən 43 adda nəşr layihəsi Nəşr Planının Tərtibi və Nəşriyyat Məhsullarının Satınalınması üzrə Komissiyanın üzvləri tərəfindən oxunub, qiymətləndirilib. Komissiyanın qərarına əsasən 29 adda kitabın Nazirliyin nəşr planına daxil edilməsi məqsədəuyğun sayılıb. Nəşr planına daxil edilən kitabların cari il ərzində nəşri başa çatdırılacaq. Eyni zamanda 21 iyun 2021-ci il tarixində kütləvi informasiya vasitələrində “Nəşrlərin satınalınması müsabiqəsi” haqqında elanlar yerləşdirilib, müsabiqə üçün nəşr məhsullarının qəbulu 22 iyul 2021-ci il tarixinədək davam edib. Müəlliflər və müəlliflik hüququ sahibləri tərəfindən müsabiqəyə təqdim olunan kitablar Nəşr Planının Tərtibi və Nəşriyyat Məhsullarının Satınalınması üzrə Komissiyası tərəfindən bir ay müddətində qiymətləndirilib. Kitabxana fondlarının oxucuların tələbatına uyğun komplektləşdirilməsi məqsədilə Komissiyanın seçiminə əsasən Mədəniyyət Nazirliyi müsabiqəyə təqdim olunan nəşrlər arasından 233 adda kitabdan 14.755 nüsxəsinin satın alınmasını 2021-ci ilin son rübündə həyata keçirib. Kitablar Respublika Kitabxana Kollektoruna təhvil verilib, cari ildə bölgüsü başa çatdırılacaq. Nəşr Planının Tərtibi və Nəşriyyat Məhsullarının Satınalınması üzrə Komissiyanın fəaliyyətinə dair Meyarlara əsasən Komissiya ötən il üçün işini yekunlaşdırıb və Komissiya dekabr ayında buraxılıb. Komissiyanın yeni tərkibi yaxın günlərdə təsdiq olunacaq və qaydalara əsasən şəffaflığın qorunması məqsədilə yeni tərkib haqqında məlumat cari ilin sonuna qədər konfidensial saxlanacaq. Nəşr Planının Tərtibi və Nəşriyyat Məhsullarının Satınalınması üzrə Komissiyanın ötən ildə tərkibi və Mədəniyyət Nazirliyinin 2022-ci il üçün nəşr planı ilə aşağıdakı linklər vasitəsilə tanış ola bilərsiniz. Komissiyanın tərkibi   |   Nəşr planı ..
27.01.2022 11:05
Ölkəmiz Misir Ərəb Respublikasının Qahirə şəhərində 53-cü Qahirə Beynəlxalq Kitab Sərgisində təmsil olunur26 yanvar 2022-ci il tarixində Misir Ərəb Respublikasının Qahirə şəhərində 53-cü Qahirə Beynəlxalq Kitab Sərgisinin açılış mərasimi keçirilmişdir. Tədbirdə Azərbaycan Respublikası Mədəniyyət Nazirliyinin Kitab Sənayesi şöbəsinin müdiri Akif Marifli, həmin şöbənin məsləhətçisi Kamran Musayev, habelə Misir Ərəb Respublikasındakı Azərbaycan Respublikasının Səfirliyinin nümayəndələri Nicat Nemətov və Ramiz Vəliyev iştirak etmişlər. Sərgidə Azərbaycan mədəniyyətini, tarixini, coğrafiyasını, ədəbiyyatını təbliğ edən kitablar nümayiş etdirilir. Açılış mərasimində Misir Ərəb Respublikasının Baş naziri Mustafa Mədbuli iştirak etmişdir. O tədbirdə çıxış edərək sərginin işinə uğurlar arzulamışdır. Bundan əlavə səfər çərçivəsində Mədəniyyət Nazirliyinin nümayəndələri Akif Marifli və Kamran Musayev Misir-Azərbaycan Dostluq Cəmiyyətinə ziyarət etmiş və nümayəndə heyətinin cəmiyyətin sədri Seymur Nəsirovla görüş təşkil edilmişdir. ..
26.01.2022 15:16
2 fevral – Gənclər günü münasibətilə “Yeni gənclik” musiqi günləri keçiriləcəkƏsası ümummilli lider Heydər Əliyev tərəfindən qoyulmuş dövlət gənclər siyasəti Azərbaycan gəncliyinin inkişafında xüsusi önəm kəsb edir. Ulu Öndərin 1997-ci il fevralın 2-də imzaladığı fərmana əsasən, fevralın 2-si Azərbaycan Gəncləri günü elan edilib. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə olaraq Azərbaycanda təntənəli şəkildə qeyd edilməyə başlanıb. Azərbaycan Respublikası Mədəniyyət Nazirliyinin təşkilatçılığı ilə cari ilin 2-4 fevral tarixlərində Gənclər günü münasibətilə “Yeni gənclik” musiqi günləri adı altında bir neçə konsert keçiriləcək. Belə ki, 2 fevral tarixində Azərbaycan Dövlət Akademik Filarmoniyasında Q.Qarayev adına Azərbaycan Dövlət Kamera Orkestri ilə (bədii rəhbər və baş dirijor, Xalq artisti Fəxrəddin Kərimov) “Gənclərə dəstək” layihəsinin iştirakçılarının konserti, Azərbaycan Dövlət Mahnı Teatrında gənc caz ifaçılarının “Gaudeamus Jazz” adlı konserti, 3 fevral tarixində Beynəlxalq Muğam Mərkəzində Ü.Hacıbəyli adına Bakı Musiqi Akademiyasının “Detaşe” violinoçular ansamblının konserti (ansamblın rəhbəri Xalq artisti Zəhra Quliyeva), 4 fevral tarixində Azərbaycan Dövlət Akademik Filarmoniyasında Ü.Hacıbəyli adına Azərbaycan Dövlət Simfonik Orkestrinin konserti (dirijor – Mustafa Mehmandarov, solist-pianoçu, Prezident təqaüdçüsü Vüsalə Babayeva (piano)) keçiriləcək. ..