Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
08.04.2020 12:22
Xalq artisti Murad Hüseynovun konserti nümayiş olunacaq“Bizi birləşdirən mədəniyyət“ verilişi Xalq artisti, professor, Beynəlxalq müsabiqələr laureatı, pianoçu Murad Hüseynovun konsertini təqdim edəcək Mədəniyyət Nazirliyi və Mədəniyyət kanalının birgə layihəsi olan “Bizi birləşdirən mədəniyyət“ verilişi 8 aprel saat 17:45-də Xalq artisti, professor, Beynəlxalq müsabiqələr laureatı, pianoçu Murad Hüseynovun konsertini təqdim edəcək. Latviyanın Dövlət Filarmoniyasının böyük konsert salonunda Latviyanın simli kvarteti ilə birgə baş tutan konsert proqramı Riqa şəhərində lentə alınıb. Qeyd edək ki, layihədə BMM də yaxından iştirak edərək dəstək olur. ..
08.04.2020 12:11
“Molla Nəsrəddin” jurnalı – 114Mədəniyyət Nazirliyinin tabeliyində fəaliyyət göstərən Muzey Sərvətləri və Xatirə Əşyalarının Elmi Bərpa Mərkəzi “Molla Nəsrəddin” kitabını bərpa edib. 2018-ci ildə Azərbaycan İstiqlal Muzeyindən mərkəzə daxil olan “Molla Nəsrəddin” kitabı mərkəzin ali dərəcəli bərpaçı-rəssamı, Əməkdar mədəniyyət işçisi Xatirə Tağıyeva tərəfindən bərpa edilərək muzeyə təhvil verilib. Qeyd edək ki, Azərbaycan satirik mətbuatının zirvəsi olan “Molla Nəsrəddin” jurnalının birinci nömrəsi 1906-cı ilin elə bu günü – 7 apreldə Tiflisdə işıq üzü görüb. 1906-1918-ci illərdə Tiflisdə, 1921-ci ildə Təbrizdə, 1922-1931-ci illərdə Bakıda nəşr edilib. Jurnalın redaktoru və müəllifi Cəlil Məmmədquluzadə olub. 25 il ərzində jurnalın 748 nömrəsi (340-ı Tiflisdə, 8-i Təbrizdə, 400-ü Bakıda) işıq üzü görüb. ..
08.04.2020 10:29
Kitabxana Bakının qədim yaşayış məkanlarından olan Buzovna kəndinə virtual səyahətə dəvət edirBakı Şəhər Mədəniyyət Baş İdarəsi Xəzər rayon Mərkəzləşdirilmiş Kitabxana Sisteminin 3 nömrəli filialı oxucuları virtual səyahətə dəvət edir. Bu dəfə virtual səyahət Bakının qədim yaşayış məkanlarından olan Buzovna kəndinədir. Xatırladaq ki, Buzovna kəndi Abşeronun şimal-şərqində yerləşir, əhalisi 31 min 500 nəfərdən (2019) çoxdur. Qeyd etmək lazımdır ki, XIX əsrin ortalarında əhalinin sayına görə yarımadada Maştağadan sonra 2-ci böyük yaşayış məntəqəsi də məhz Buzovna olub. 1758-1759-cu illərdə burada Bakı xanı I Hacı Mirzə Məhəmməd xan (A.A.Bakıxanovun ulu babası) “Xan bağı”nda özünə saray tikdirib. Əhalinin ənənəvi məşğuliyyəti əkinçilik, o cümlədən tərəvəzçilik, bostançılıq, zəfərançılıq, maldarlıq, qismən də balıqçılıq ilə bağlı idi. Buzovna özünün qədim tarixi-memarlıq abidələri ilə də zəngindir. Bunlardan qədim qəbiristanlıq “Hun qəbiristanlığı“nı (e.ə.III əsrə), “Qara paltarlı piri“ni (1306-cı il), “Xəlifə Əli və Məhəmməd Mömin türbə“sini (1641-ci il), Seyid Qasım, Şeyx Cavad, Seyid Gülşan pirlərini, Sahibəz-Zaman məscidini (XVII əsr), Məşədi Qərib məscidini (XIX əsr), İmam Həsən məscidini (XIX əsr), məşhur Həzrət Əli qədəmgahını (Əli Ayağı), Mehdiqulubəyin evini (XIX əsr) qeyd etmək olar. Buzovna kəndi tanınmış şəxsiyyətlər də yetişdirib. Onlardan xalq qəhrəmanı Hacı İsgəndər, Əliağa Vahidin ustadı olmuş Məşədi Azər, şair Haşım bəy Saqib, Sidqi Ruhulla, Nəcibə Məlikova, bəstəkar Aygün Səmədzadə, Xalq artisti, tarzən Firuz Əliyev, Əməkdar artist Mirnazim Əsədullayev, Əməkdar artist Mirzə Ağabəyli və başqalarının adını qeyd etmək olar. Buzovna kəndi Xəzər rayonunun inkişaf etmiş yaşayış məntəqələrindən biridir. ..
07.04.2020 13:24
"Evdə qal evdə yarat": Müraciətlərə davam edin!“Kreativ Azərbaycan” portalının Azərbaycan Respublikasının Mədəniyyət Nazirliyinin dəstəyi ilə Facebook sosial şəbəkəsi vasitəsilə 21 martdan etibarən başlatdığı “Evdə qal evdə yarat” təşəbbüsü uğurla davam edir. Bu günə qədər, portalın Facebook səhifəsində ölkəmizin regionları da daxil olmaqla 1200-dən artıq istifadəçi yaratdıqları müxtəlif məhsullar, əl işləri, rəsm əsərləri, həmçinin ifaçılıq və bədii qiraət nümunələri ilə öz sosial şəbəkə səhifələrində paylaşımlar etməklə bu təşəbbüsə qoşulmuşlar. Sevindirici haldır ki, bir çox məşhurlar, sənət adamları, millət vəkilləri, həmçinin “Söz” ədəbi layihəsi də bu layihədə iştirak etmişdir. Əlavə olaraq, portalın İnstagram səhifəsində də 1000-dən artıq istifadəçi tərəfindən müxtəlif paylaşımlarla təşəbbüs geniş marağa səbəb olmuşdur. 30 aprelə qədər davam edəcək təşəbbüsdə iştirak şərtlərini bir daha xatırlatmaq istərdik: “Kreativ Azərbaycan” portalının Facebook səhifəsini (fb.com/creative.az) öz profilinizdən bəyənin, Koronavirus infeksiyasının yayıldığı müddətdə evdə olaraq yaratdığınız işi (əl işi, rəsm əsəri, musiqi əsəri, dizayn, video, yazılı mətn, foto, yaradıcı texnologiya və s.) öz səhifənizdə #evdəqalevdəyarat həştəqi ilə paylaşın, Paylaşımda həmçinin “Kreativ Azərbaycan” Facebook səhifəsini qeyd (tag) etməyi unutmayın. Evdə keçirdiyimiz vaxt ərzində yaradıcılığımızı işə salaq və pozitivliyə töhvə verək! Bu təşəbbüs həmçinin dəyərli hədiyyələr qazanmaq üçün şans yaradır. Belə ki, əgər 2020-ci ilin 30 aprel tarixinə kimi sizin işiniz ən çox bəyənilən (“like“ alan) işlərdən olsa, deməli qaliblərdən birisiniz və “Kreativ Azərbaycan” portalı və Mədəniyyət Nazirliyi tərəfindən müxtəlif maraqlı hədiyyələr sizi gözləyir. Qeydlər: Əgər yaratdığınız musiqi, video, yazılı əsər və ya yaradıcı texnologiyadırsa, digər səhifələrdən linki qeyd edə bilərsiz (Youtube, Vimeo və s.). #evdeqalevdeyarat həştəqi də yararlı sayılacaq. Müsabiqə 2020-ci ilin 30 aprel tarixinə kimi davam edəcəkdir. Müsabiqə ilə bağlı sualları Kreativ Azərbaycan portalının Facebook səhifəsinə ünvanlaya bilərsiz. Evdə qalıb evdə yaradaraq virusa birlikdə qalib gələk! ..
07.04.2020 13:21
Dövlət Xidmətinin onlayn rejimdə iclası təşkil olunubAprelin 6-da Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin onlayn rejimdə iclası təşkil olunub. Dövlət Xidmətinin rəisi Zakir Sultanovun və məsul əməkdaşların iştirakı ilə keçirilən iclasda Nazirlər Kabineti yanında Operativ Qərargahın koronavirus (COVID-19) infeksiyasına qarşı mübarizənin təşkili məqsədilə xüsusi rejimdə iş normalarına dair təlimatından irəli gələn məsələlər müzakirə olunub. Dövlət Xidmətinin rəisi iclasda çıxış edərək infeksiyasının yayılmasının qarşısının alınması məqsədilə tətbiq edilmiş xüsusi qaydalara əməl edilməsi, tabe qurumların yaranmış şəraitə uyğun olaraq öz fəaliyyətlərini onlayn rejimdə davam etdirməsi barədə danışıb. Həmçinin Dövlət Xidmətinin fəaliyyət istiqamətlərinə uyğun olaraq işlərin təmin olunması ilə bağlı tapşırıq və tövsiyələrini verib. ..
07.04.2020 12:42
"Sənətə dəstək ol" xeyriyyə aksiyası“Kreativ Azərbaycan“ portalı Azərbaycan Respublikasının Mədəniyyət Nazirliyinin dəstəyi və “Azəri Ekspress” şirkətinin tərəfdaşlığı ilə “Sənətə dəstək ol“ adlı xeyriyyə aksiyasına start verir. Koronavirusun (COVID-19) dünyada yayılması bütün sahələrə böyük təsir göstərir. Bir sıra biznes nümayəndələri, fərdi sahibkarlar öz gəlirlərini itirməkdədir. Bu itkilər həmçinin yaradıcı sənayelər sahəsində fəaliyyət göstərən rəssamlar, sənətkarlar, yazıçılara təsir göstərmiş, onların bir çoxu üçün çətin maddi vəziyyət yaratmışdır. Ölkəmizdə virusla bağlı çətinliklərin qarşısının alınması, insanların rifahının yaxşılaşdırılması üçün Hökumət və ayrı-ayrı təşkilatlar tərəfindən bir sıra addımlar atılır. Həmçinin fərdi şəkildə də xeyriyyə təşəbbüsləri mütəmadi olaraq baş tutur. “Sənətə dəstək ol“ xeyriyyə aksiyası çərçivəsində Sizi çətin maddi vəziyyətə düşən yaradıcı insanlara dəstək olmağa çağırırıq. Aksiya çərçivəsində bu insanlar haqqında məlumat veriləcək və onların əsərləri sosial şəbəkələr vasitəsilə satışa çıxarılacaqdır. Alınan əsərlər isə “Azəri Ekspress” şirkətinin dəstəyi ilə çatdırılacaqdır. Əsərləri alanlara həmçinin virusla bağlı məhdudiyyətlər müddəti bitdikdən sonra Azərbaycan Respublikasının Mədəniyyət Nazirliyi tərəfindən xüsusi təşəkkür diplomu da təqdim olunacaqdır. Qeyd: Almağa razılıq haqqında məlumat sosial şəbəkədə paylaşımın altında şərh formasında və ya Kreativ Azərbaycan portalı ilə əlaqə saxlanılaraq (açıq və ya anonim formada) verilə bilər. Aksiya çərçivəsində əlaqələndiricilik xidməti təmənnasız olaraq Kreativ Azərbaycan portalı tərəfindən həyata keçiriləcəkdir. Aksiya ilə bağlı suallar Kreativ Azərbaycan portalı ilə əlaqə saxlanılaraq verilə bilər: Facebook: facebook.com/creative.az, Instagram: instagram.com/kreativaze Email: info@creative.az Sənətə dəstək ol! ..
07.04.2020 10:54
"Minnətdarıq" adlı Respublika rəsm müsabiqəsi elan olunurAzərbaycan Respublikasının Mədəniyyət Nazirliyi, Azərbaycan Rəssamlar İttifaqı, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə rəssamlıq istedadına malik olan uşaqlar, yeniyetmə və gənc rəssamların yaradıcılığında COVİD-19 pandemiyası zamanı səhiyyə işçilərinin, hüquq mühafizə orqanlarının əməkdaşlarının və Azərbaycan polisinin göstərdiyi çoxsaylı fədakarlıq nümunələrinin təsviri sənət əsərləri vasitəsi ilə təbliği və tərənnümü, milli həmrəylik, milli birlik duyğularını və insanların bədii zövqünü inkişaf etdirmək, rəssamların yaradıcılığını stimullaşdırmaq, doğma Vətənə məhəbbət hisslərini aşılanmaq məqsədi ilə “MİNNƏTDARIQ” adlı RESPUBLİKA RƏSM MÜSABİQƏSİ elan olunur: Müsabiqədə iştirak etmək üçün uşaqlar,  yeniyetmələr və 30 yaşa qədər gənc rəssamlar www.xsm.az saytında tədbirlər bölümündəki “Minnətdarıq”afişasına toxunmaqla və ya               (http://xsm.az/site/minnetdariq) linkinə daxil olub  1 və ya 2 əsərinin fotosunu daxil etməklə göstərilən anketi doldurmağınız tələb olunur.        Qeydiyyat 2020-ci il may ayının 15-dək aparılacaq. Seçim 3 yaş kateqoriyası üzrə keçiriləcəkvə 3 hər yaş kateqoriyasına ayrıca sərgi keçiriləcək: 5- 12 yaş, 12-17 yaş və 17-30 yaş; Ən çox duyğu və düşüncələr  ilə işlənmiş əsərləri seçiləcək; Seçim zamanı kənar (müəllim,valideyn) müdaxiləsiz işlərə üstünlük veriləcək; Müəllifin yaşı nəzərə alınmaqla düzgün kompozisiya, rəng seçimi və ideya əsas götürüləcək; Təşkilatçılar öncə sərgilənməmiş - yeni əsərlərin yaradılmasını tövsiyə edir; Festivalda Azərbaycanda yaşayan xarici ölkə vətəndaşları da iştirak edə bilər; Unutmayın ki, bu bir məşğuliyyət növüdür! May ayının 20-dən sonra əsərləri sərgidə nümayiş olunmaq üçün seçilmiş müəlliflərin siyahısını və  tədbirin davamı haqda əlavə məlumatları Azərbaycan Dövlət Rəsm Qalereyasının www.azgallery.az saytından, facebook və instagram səhifələrindn, həmşinin Xətai Sənət Mərkəzinin www.xsm.az saytının elanlar bölümündən, facebook və instagram səhifələrindən izləyə bilərsiniz. Sərgidə nümayiş üçün seçilən işlərin müəllifləri diplomla və fəal tədris mərkəzləri (dərnək, incəsənət məktəbi və s.) təşəkkürnamə ilə təltif olunacaq və hər yaş qrupu üzrə qaliblər elan olunacaq Azərbaycan Respublikasının Mədəniyyət Nazirliyi tərəfindən mükafatlandırılacaq (mükafat fondundan qanunvericiliklə müəyyən olunan vergi və digər tutulmalar çıxılacaqdır).   Mükafatlandırma fondu: 17-30 yaş üçün I yer (1 nəfər) – 1500 manat II yer  (1 nəfər) –1000 manat III yer (1 nəfər) –500 manat Həvəsləndirici mükafat (5 nəfər) - 300 manat 12-17 yaş arası üçün I yer (1 nəfər) –malbert II yer  (1 nəfər) –24-lü  akril    dəsti III yer (1 nəfər) –  24-lü  sulu  boya  dəsti+masa  üstü  molbert Həvəsləndirici mükafat (10 nəfər) – 12-li  quaş dəsti  5-12 yaş arası üçün I yer (1 nəfər) –planşetli molbert II yer (1 nəfər) –24-lü  sulu boya  dəsti III yer (1 nəfər) –24-lü   quaş  dəsti Həvəsləndirici mükafat (10 nəfər) – 12-li  akril  dəsti Sərgi Xətai Sənət Mərkəzində keçiriləcəkdir. Qeyd: Müsabiqə və sərginin gündəliyi “COVİD-19” infeksiyası ilə bağlı tətbiq olunan sosial izoliasiya tədbirləri yuxarıda göstərilən tarixlərədək aradan qaldırılarsa adi qaydada, əks təqdirdə onlayn şəkildə İnternet üzərindən davam etdiriləcəkdir. ..
06.04.2020 15:34
İlham Namiq Kamal: "Hamını bir-birinə dəstək olmağa çağırıram"“Evdə qal!“ kampaniyasına qoşulun və virusa yoluxmayın. Ölkədə tətbiq edilən karantin rejimi də bunu tələb edir. Ziyalılar, tanınmış elm və incəsənət xadimləri, Xalq artistləri də “Həyatın evdə” olması qənaətindədirlər ki, onlardan biri də Xalq artisti İlham Namiq Kamaldı. Xalq artisti AZƏRTAC-a açıqlamaısnda bildirib ki, Prezident İlham Əliyev və Birinci vitse-prezident Mehriban xanım Əliyeva xalqımızın, millətimizin və hər birimizin sağlam gələcəyi naminə tədbirlər həyata keçirirlər: “Bizim öhdəmizə düşən evdə qalmaqla dövlətə dəstək olmaqdır. Mən Şamaxıda bağımda “Evdə qal!“ kampaniyasının tələblərinə ciddi əməl edirəm. Hamını bir-birinə dəstək olmağa çağırıram”. Xalq artıstı deyib ki, artıq dünyanı cənginə almış koronavirus (COVID-19) pandemiyası ilə hamı mücadilə aparmaqdadır. Hər kəs bu bəladan xilas olmağa çalışır. Dünya tibb elmi hələ real bir müsbət nəticə əldə edə bilməsə də, bu faciədən birdəfəlik qurtarmaq üçün yollar axtarılır. İnanıram ki, mütləq uğurlu bir nəticə əldə olunacaq və dünya birliyi, insanlar yenə də öz sağlam həyat rejiminə qovuşacaq, həyatın ahəngdar ritmi ilə yaşamağa davam edəcəklər. “Xalqımızı, eləcə də sənət yoldaşlarımı koronavirusla bağlı qaydalara riayət etməyə çağırıram. Bu, ilk növbədə, vətəndaşların özlərinin sağlamlığı üçün lazımlıdır. Hamıya məsləhət görürəm ki, çölə çıxmadan mütləq şəkildə deyilənlərə əməl etsinlər. Bu zarafat deyil, virus ciddi məsələdir. Bu tək Azərbaycanda deyil, bütün dünyanı ağuşuna alıb. Ona görə də qorunmaq lazımdı. Bu qədər oxumalı kitab, jurnal, qəzet, baxılmalı film, tamaşa, araşdırılmalı məlumat, telefon, internet olan yerdə darıxmaq heç yada da düşmür. Mənə elə gəlir ki, indiki dövr adətən vaxt qıtlığından şikayətlənən yaradıcı adamlar üçün əlverişli bir fürsətdir. Evdə qalmaqla həm özünü xəstəlikdən kənar saxlayır, həm də iş-güc, həyat, məişət qayğılarından imkan tapıb görə bilmədiyin yarımçıq işləri başa çatdırırsan. Mövcud təlimata uyğun hərəkət etmək lazımdır. Bir halda ki, evdə oturmaq, sosial izolyasiya ilə bu gözəgörünməz bəladan qorunmaq mümkündür, onda gəlin evdə oturaq. Evdə qalaq, zərurət olmadıqda bayıra çıxmayaq, bir müddət ən yaxın və doğma adamlarla belə, vizual təmasdan uzaq olaq. İndi virtual əlaqə formaları kifayət qədər çoxdur. Hesab edirəm ki, gigiyenik qaydaları gözləməklə, immuniteti möhkəmlətməklə, habelə həkimlərin məsləhətlərinə əməl etməklə özümüzü, ətrafımızı, doğmalarımızı və cəmiyyətimizi hər cür təhlükədən qorumalıyıq. Ən vacibi isə, biz bu davranışla dövlətimizə kömək etmiş olarıq, bu, həm də dünyanı bürüyən bəladan az itki ilə çıxmağımıza səbəb olar. Məncə bunu hər kəs ciddi nəzərə almalıdır”,-deyə Xalq artisti vurğulayıb. ..
06.04.2020 14:04
Mədəniyyət Nazirliyi Azərbaycan Yazıçılar Birliyi ilə birgə koronavirus pandemiyası ilə mübarizə mövzusunda hekayə müsabiqəsi elan edirMüsabiqənin təşkilində əsas məqsəd koronavirus pandemiyasının yaratdığı bəşəri problemlərin və ölkəmizdə bu epidemiyaya qarşı aparılan mübarizənin ədəbiyyat mövzusuna çevirməklə gələcək nəsillərə bədii formada çatdırılması, özündə sosial məsuliyyəti, epidemiyanın təhlükəsi və infeksiyadan qorunmaq barədə informasiyanı ehtiva edən əsərləri ərsəyə gətirməklə əhalinin maarifləndirilməsi və yardıcı potensialı olan hər bir kəsi müsabiqəyə cəlb etməklə mövzu baxımından yeni hekayələrin yazılmasına stimul verməkdir. Müsabiqənin şərtləri: • Hekayələrin mövzusu tibb işçilərinin koronavirus infeksiyası ilə apardığı mübarizəni, pandemiya ilə əlaqədar həyatları risk altında olan digər peşə sahiblərinin fəaliyyətini, karantin və izolyasiya tədbirləri ilə bağlı əhalinin göstərməli olduğu sosial məsuliyyəti, dövlətimizin mövcud situasiya ilə əlaqədar həyata keçirdiyi tədbirləri, epidemiyanın yaratdığı bəşəri problemləri və digər aktual məsələləri əhatə etməlidir. • Hekayələr daha əvvəl heç bir yerdə çap olunmamalı və yayımlanmamalıdır. • Müsabiqəyə 25.000 (iyirmi beş min) işarədən artıq olmayan hekaylər qəbul olunur. • Hekayənin mətni üçün tələblər - şriftin qarnituru  “Arial” 12, sətirlər arası interval 1, faylın formatı “doc.” A4. • Hər bir müəllif müsabiqəyə yalnız bir əsər təqdim edə bilər. • Müəllif özü haqqında məlumatı və əlaqə vasitəsini fayla əlavə etməlidir. Ən yaxşı hekayələr “Radio Antenn“ 101 FM-də yayımlanan “Canlı kitab” verilişində səsləndiriləcəkdir. Mükafatlar: Birinci yer – I dərəcəli diplom və 2000 manat İkinci yer – II dərəcəli diplom və 1500 manat Üçüncü yer – III dərəcəli diplom və 1000 manat 2 həvəsləndirici mükafat – xüsusi diplom və 500 manat     Müsabiqənin müddəti: Müsabiqəyə hekayələrin qəbulu 29 may 2020-ci il tarixində sona çatacaqdır. 12 iyun 2020-ci il tarixinədək qaliblərin mükafatlandırması təşkil olunacaqdır. . Əlavə məlumat üçün müraciət edə bilərsiniz: Tel.: (051) 359 19 19         (050) 563 05 65 İştirakçılar tərəfindən hekayələr aşağıdakı elektron poçt ünvanına göndərilməlidir. E-mail: nrtis@mct.gov.az ..