Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
390

Sankt-Peterburqda dahi Azərbaycan şairi Nizami Gəncəvinin 880 illik yubileyi qeyd olunub

2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamına əsasən, dünyanın bir çox ölkələrində, o cümlədən Rusiya Federasiyasında dahi Azərbaycan şairi və mütəfəkkirinin 880 illik yubileyinə həsr olunan tədbirlər keçirilir. “Nizami Gəncəvi İli” çərçivəsində növbəti tədbir Rusiyanın Sankt-Peterburq şəhərində gerçəkləşib.

Bununla əlaqədar Azərbaycan Respublikasının mədəniyyət nazirinin müavini Sevda Məmmədəliyevanın rəhbərliyi ilə nümayəndə heyəti Sankt-Peterburqa səfər edib.

Oktyabrın 19-da mədəniyyət nazirinin müavini Sevda Məmmədəliyeva ilə Dövlət Ermitajının direktoru Mixail Piyotrovski arasında görüş keçirilib. Görüşdə Dövlət Ermitajı ilə Azərbaycan muzeyləri arasında əməkdaşlığın genişləndirilməsi, Ermitajda saxlanılan ölkəmizin mədəni irs nümunələrinə xüsusi diqqətin ayrılması, gələcək əməkdaşlıq perspektivləri barədə fikir mübadiləsi aparılıb.

Həmin gün Dövlət Ermitajında dahi Azərbaycan şairi və mütəfəkkiri Nizami Gəncəvinin 880 illik yubileyi qeyd olunub. Azərbaycan Respublikasının Mədəniyyət Nazirliyi və ölkəmizin Sankt-Peterburqdakı Baş konsulluğunun təşkilatçılığı ilə keçirilən tədbir 1941-ci ildə məhz bu məkanda Nizami Gəncəviyə həsr olunan tarixi tədbirin 80-ci ildönümünə təsadüf edib.

Mərasimdə çıxış edən Ermitaj Muzeyinin direktoru Mixail Piotrovski Nizami Gəncəvi dühasından danışaraq bildirib ki, böyük Azərbaycan şairinin yaradıcılığı Yaxın və Orta Şərqdə fəlsəfi cərəyanların, ədəbi məktəbin əsasını qoyub. Nizami Gəncəvinin əsərlərinin mövzuları əsasında çəkilmiş miniatürlər bu gün dünyanın ən məşhur muzeylərini və kitabxanalarını bəzəyir.

M.Piotrovski xatırladıb ki, 80 il öncə, Böyük Vətən müharibəsi dövründə və Sankt-Peterburqun – o vaxtkı Leninqradın blokadasının 42-ci günündə Nizaminin 800 illik yubileyi Ermitajda qeyd olunub.

Tədbirdə çıxış edən mədəniyyət nazirinin müavini Sevda Məmmədəliyeva Ermitajda “Nizami Gəncəvi İli” çərçivəsində belə bir tədbirin keçirilməsini əhəmiyyətini diqqətə çatdırıb. Vurğulanıb ki, 1941-ci ilin 19 oktyabr tarixində, şəhərin blokadada olduğu bir vaxtda Dövlət Ermitajında Nizaminin 800 illik yubileyinin qeyd olunması Azərbaycanın böyük şairinə verilən yüksək dəyərin təzahürü idi və Nizami 880 illiyinin də məhz eyni tarixində Ermitajda qeyd edilməsi çox mühüm və əlamətdar hadisədir.

Tədbirdə Ermitajın fondunda saxlanılan Nizami Gəncəvinin “Xəmsə”sinin nadir nüsxəsi nümayiş olunub, dahi şairin yaradıcılığına dair məruzələr dinlənilib, onun əsərlərinin motivləri üzrə çəkilmiş və hazırda Dövlət Ermitajında və Sankt-Peterburqdakı Rusiya Milli Kitabxanasında qorunub saxlanılan miniatürlər haqqında geniş təqdimatlar keçirilib.

Sonda konsert proqramı təqdim olunub. Sankt-Peterburq Dövlət Akademik Marinski Teatrının azərbaycanlı vokalçıları Məhərrəm Hüseynov və Həmid Abdulov, pianoçu Vurğun Vəkilov Nizami Gəncəvinin əsərlərinə yazılmış musiqiləri ifa ediblər. Həmçinin ölkəmizin incəsənət xadimlərinin (xanəndə Teyyub Aslanov, tarzən Əliağa Sədiyev, kamança ifaçısı Elnur Mikayılov, nağara ifaçısı Kamran Kərimov, ud ifaçısı Mircavid Cəfərov) ifasında muğam parçaları səsləndirilib.

Konsert proqramı alqışlarla qarşılanıb.

XƏBƏRLƏR

03.12.2021 16:18
“Mədəniyyət naminə sülh”
03.12.2021 15:07
Milli Teatrın tamaşaları beynəlxalq forumda böyük maraqla qarşılanıb
03.12.2021 10:54
Daşkənddə “Nizami Gəncəvi və Əlişir Nəvai mədəniyyət və ədəbiyyat günləri”nin açılış mərasimi olub
02.12.2021 19:10
Sülhsevər cəmiyyətləri və beynəlxalq sülh sistemini gücləndirmək dövrün əsas çağırışıdır
02.12.2021 16:33
Bakıda “Mədəniyyət naminə sülh” qlobal kampaniyasının Tərəfdaşlar Forumu keçirilir
02.12.2021 14:40
Azərbaycan UNESCO-nun “Silahlı münaqişə zamanı mədəni sərvətlərin qorunması haqqında” Haaqa Konvensiyasının İkinci Protokolu üzrə Komitənin üzvü seçilib
02.12.2021 12:36
Dövlət Xidmətinin rəisi UNESCO-nun iclaslarında iştirak edib
02.12.2021 12:26
Mədəniyyət naziri Avropa Şurası Bakı ofisinin rəhbəri ilə görüşüb
02.12.2021 11:40
“Vərqa və Gülşa” miniatür əlyazma kitabındakı illüstrasiyaların toplandığı nəşrin təqdimatı keçirildi
01.12.2021 19:57
"Muzey eksponatının hekayəsini sən danış: Nizami Gəncəvi" hekayə müsabiqəsinin qalibləri təltif edildi
01.12.2021 13:55
Bakıda “Mədəniyyət naminə sülh” qlobal kampaniyasının Tərəfdaşlar Forumu keçiriləcək
29.11.2021 18:08
Bakıda “Müxtəlif dinlərin maddi-mənəvi irsi və dinlərdə musiqi” adlı konfrans keçirilib
29.11.2021 13:10
“Sonuncu” filmi daha iki mükafat qazanıb
29.11.2021 11:58
Aşıq Ələsgər yaradıcılığının dərindən öyrənilməsi və mənimsənilməsi bütün türk dünyası üçün vacibdir
26.11.2021 17:47
"Yaradanlar" filmi təqdim olunacaq
26.11.2021 17:05
Nizami Gəncəvi Beynəlxalq Forumu başa çatdı
26.11.2021 13:40
Beynəlxalq forumun növbəti paneli “Xəmsə” dialoqlarının didaktik rolu” adlanırdı
25.11.2021 18:41
Beynəlxalq forumun növbəti panel iclası – "Nizami Gəncəvi: müasir dünyaya baxış"
25.11.2021 17:59
Anar Kərimov Yunanıstanın ölkəmizdəki səfiri Nikolaos Piperiqos ilə görüşüb
25.11.2021 16:18
Özbək dilində Nizami “Xəmsə”nin təqdimatı keçirildi
25.11.2021 16:17
“Böyük Qayıdış: mədəniyyətin dirçəlişi” adlı beynəlxalq konfrans “Abidələri xilas edən Qələbə” və “Mədəniyyətin çiçəklənməsi üçün sülh” adlı sessiyaları ilə öz işinə davam etdi
25.11.2021 13:44
Fikrət Əmirovun və Hacı Zeynalabdin Tağıyevin yubileyləri UNESCO-da qeyd ediləcək
25.11.2021 13:38
Nizami Gəncəvinin ədəbi irsi bəşəriyyətin söz xəzinəsinə mühüm təsir göstərib
25.11.2021 13:36
“Mədəniyyət/Culture” jurnalının yeni sayı işıq üzü görüb
24.11.2021 20:23
“Böyük Qayıdış: mədəniyyətin dirçəlişi” mövzusunda beynəlxalq konfrans keçirildi
24.11.2021 18:39
“Nizami Gəncəvi “Xəmsə”sinin dünya ədəbiyyatına və mədəniyyətinə təsiri”
24.11.2021 17:17
“Nizaminin Orta əsr Şərqində siyasi və ictimai ənənələrə təsiri” mövzusunda panel iclası
24.11.2021 17:03
Fransız dilində nəşr olunan “Nizami Gəncəvi: qəzəllər və kəlamlar” kitabının təqdimatı oldu
24.11.2021 14:44
Nizami Gəncəvi Beynəlxalq Forumunun açılış mərasimi keçirildi
23.11.2021 14:36
Özbəkistanın media təmsilçiləri Füzuli və Şuşa rayonlarında olublar
23.11.2021 13:21
Bakıda təşkil olunacaq Nizami Gəncəvi Beynəlxalq Forumu ilə bağlı brifinq keçirildi