Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1019

“Culture Guide” mədəniyyət bələdçisinin dekabr sayı çapdan çıxıb

Ölkəmizə təşrif buyuran qonaqlara Azərbaycanın mədəni irsi, incəsənəti, sənət ocaqlarının fəaliyyəti, eləcə də bölgələrimizin mədəni palitrası barədə dolğun məlumat vermək, onların respublikamız barədə təəssüratını yaddaqalan etmək məqsədlə ərsəyə gətirilən “Culture Guide” kataloqunun dekabr sayı çapdan çıxıb.

“Baku Guide” MMC tərəfindən ingilis və rus dillərində hazırlanaraq nəşr edilən mədəniyyət bələdçisinin yeni buraxılışı da mövzu və materiallar baxımından zənginliyi ilə seçilir.

Nəşr ilk olaraq oxuculara ölkəmizin keçmişi və bu günü, mədəniyyətimizin tarixi mənzərəsi ilə bağlı bələdçilik edir. Müsəlman Şərqində ilk peşəkar teatrın, kinematoqrafın, operanın Azərbaycanda yarandığı diqqətə çatdırılır, ölkəmizin son illər mədəniyyətlərarası dialoqa töhfələrindən, mötəbər beynəlxalq tədbirlərə ev sahibliyi etməsindən bəhs olunur.

“Culture Guide”ın dekabr buraxılışında ənənəvi olaraq paytaxtdakı mədəniyyət müəssisələrinin repertuarı və tədbirləri ilə bərabər, hər biri haqqında qısa təqdimat-tanıtma səciyyəli informasiyalar da verilib. Teatr və konsert müəssisələri, kino zalları, qalereyalar və əyləncə məkanlarının bu ay üçün də maraqlı tədbirlər proqramı var.

Muzeylər bölməsində şəhərdə fəaliyyət göstərən bu mədəniyyət məkanlarının bir çoxu haqqında ənənəvi təqdimatlarla yanaşı, dekabrın 16-sı xatirə günü olan əfsanəvi cazmen, pianoçu və bəstəkar Vaqif Mustafazadənin memorial muzeyinə ekskurs edilir, sənətkarın həyat və yaradıcılığından, buradakı ekspozisiyadan söz açılır.

Nəşrdə Bakının hər zaman xarici qonaqların diqqətini çəkən tarixi və müasir memarlıq nümunələri, İçərişəhər, minilliklərin daş yaddaşı olan Qobustan, Atəşgah məbədi və Yanardağ haqqında məlumatlar, turistlərin ölkəmizdən özləri ilə hansı suvenir və “dadlı xatirələr” apara biləcəklərinə dair tövsiyələr də yer alıb.

“Culture Guide” bələdçisinin hər sayında ölkəmizin bəşəriyyətin mədəniyyət xəzinəsinə töhfələri, dünya əhəmiyyətli mədəni irs nümunələri barədə yazılar dərc edilir. “Açıq səma altında muzey-şəhər” adlı yazı bu il tarixi mərkəzi və Xan sarayı UNESCO-nun Dünya irs siyahısına salınmış Şəki haqqındadır.

Bəşəriyyətin xəzinəsində yer almış qeyri-maddi mədəni irs nümunələrimizlə bağlı yazılar silsiləsində isə bu dəfə Qarabağ atları üzərində çövkən oyunu ənənəsi, habelə milli mətbəximizdə xüsusi yeri olan lavaş və dolma haqqında bəhs olunur. Qeyd edək ki, hər üç nümunə məhz dekabr ayında (2013, 2016, 2017) UNESCO-nun müvafiq siyahılarına daxil edilib.

“Qarabağ – Azərbaycanın mədəniyyət beşiyi” başlıqlı yazıda əzəli yurd yerimizin mədəni irsi, işğal altındakı torpaqlarımızdakı mədəni sərvətlərin dağılıb-talan edildiyi əcnəbi oxucuların diqqətinə çatdırılır.

Azərbaycanın zəngin irsə və adət-ənənələrə sahib olması bu mədəni potensialın beynəlxalq səviyyədə təbliğinə, ölkəyə gələn xarici qonaqlara mədəni marşrutlardan istifadə etməsinə imkanlar yaradır. Bu məqsədlə Azərbaycan 2011-ci ildən Avropa Şurasının mədəni marşrutlar proqramına qoşulub. Hazırda ölkəmiz beş belə layihədə təmsil olunur. “Azərbaycandan keçən beynəlxalq mədəni marşrutlar” yazısında bu barədə ətraflı məlumat verilir.

“Culture Guide” dekabr ayının əlamətdar günlər təqviminə də nəzər salır. “31 dekabr Dünya Azərbaycanlılarının Həmrəyliyi Günüdür” adlı yazıda bu günün tarixi, 30 il əvvəl – 1989-cu ildə o taylı-bu taylı azərbaycanlıların Araz çayı üzərində qovuşması ilə başlanan milli həmrəyliyin bütün dünyadakı soydaşlarımızı əhatə etməsindən bəhs edilir.

Nəfis tərtibatda hazırlanan mədəniyyət bələdçisində hər ay tanınmış rəssamlarımızın əsərlərinin reproduksiyasına yer verilir. Bu dəfə “Culture Guide”ın üz qabığında məşhur fırça ustası, SSRİ Xalq rəssamı Mikayıl Abdullayevin “Qarabağda qış”, 1-ci səhifədə isə Xalq rəssamı Nadir Əbdürrəhmanovun “Dağlarda qış istirahəti” tabloları əks olunub. Yeri gəlmişkən, hər iki görkəmli sənətkar dekabr ayında dünyaya gəlib.

XƏBƏRLƏR

23.09.2020 10:25
“Tarixi yazmış bir tale” adlı respublika müsabiqəsi başa çatıb
22.09.2020 16:24
Birinci vitse-prezident Mehriban Əliyeva Bülbülə qəsəbəsindəki Uşaq İncəsənət Məktəbinin yeni binasının açılışında iştirak edib
22.09.2020 14:05
Əhmədiyyə Cəbrayılovun 100 illiyinə həsr olunmuş virtual sərgi keçiriləcək
22.09.2020 12:02
“Qarabağlı Pir Məhəmmədin “Mənaqibnamə”sinin nəşri” layihəsi həyata keçirilir
22.09.2020 10:09
“Mədəniyyət/Culture” jurnalının növbəti nömrəsi işıq üzü görüb
21.09.2020 15:48
Azərbaycan və Özbəkistan arasında keçirilən xalq simli musiqi alətləri ifaçılarının müsabiqəsi başa çatıb
21.09.2020 15:13
“Mənim yay tətilim-2020” Respublika Uşaq Rəsm Müsabiqəsi davam edir
21.09.2020 15:04
“Əbdürrəhim bəy Haqverdiyev 150” adlı elektron baza istifadəçilərə təqdim edilib
21.09.2020 14:24
Anar Kərimov Mədəniyyət Nazirliyi yanında İctimai Şuranın seçki komissiyasının yaradılması haqqında əmr imzalayıb
21.09.2020 10:30
Astarada tanınmış bəstəkar Oqtay Kazıminin xatirə lövhəsinin açılışı olub
21.09.2020 09:51
Seyid Əzim Şirvaninin “Qəzəllər” kitabı Özbəkistanda nəşr edilib
19.09.2020 17:43
“İrsimiz məsuliyyətimizdir” adlı layihənin ilk tədbiri keçirilib
18.09.2020 18:16
“İrsimiz Məsuliyyətimizdir” layihəsinə start verilir
18.09.2020 17:20
Kövkəb Səfərəliyeva adına 16 nömrəli Uşaq Musiqi Məktəbinin əsaslı təmirdən sonra açılışı keçirilib
18.09.2020 16:41
“Güllələnmiş heykəllər” ziyarət olunub
18.09.2020 16:37
Dövlət Xidmətinin rəis müavini, rəisin vəzifə səlahiyyətlərini icra edən Azad Cəfərli Çıraqqalada aparılan bərpa işləri ilə tanış olub
18.09.2020 15:50
Milli Musiqi Günündə Üzeyir Hacıbəylinin məzarı ziyarət olunub
18.09.2020 15:45
Əhmədiyyə Cəbrayılovun anadan olmasının 100 illiyi qeyd olunub
18.09.2020 14:33
Musiqi Mədəniyyəti Dövlət Muzeyi Milli Musiqi Günü münasibətilə tədbir keçirib
18.09.2020 12:32
Milli Məclisin Mədəniyyət komitəsinin iclasında Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov iştirak edib
17.09.2020 14:19
Milli Musiqi Günündə “O olmasın, bu olsun” yenidən nümayiş ediləcək