Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1044

Xocalı şəhər 1 nömrəli Uşaq Musiqi Məktəbinin 30 illiyi qeyd edildi

Goranboy rayonu ərazisində salınmış Yeni yaşayış massivində fəaliyyət göstərən Xocalı şəhər 1 nömrəli Uşaq Musiqi Məktəbinin fəaliyyətinin 30 illiyi münasibətilə tədbir keçirildi. Tədbirdə Xocalı rayon İcra Hakimiyyətinin başçısı Şahmar Usubov, Gəncə Regional Mədəniyyət İdarəsinin əməkdaşları, rayon ziyalıları, mədəniyyət işçiləri, uşaq musiqi məktəbinin pedaqoji kollektivi və şagirdlər iştirak etdilər.

Tədbir iştirakçıları əvvəlcə qəsəbədə Xocalı soyqırımı qurbanlarının xatirəsinə ucaldılmış abidə önünə tər çiçəklər düzdülər. 

Sonra məktəbin foyesində ümummilli lider Heydər Əliyevin və Prezident İlham Əliyevin Xocalıdan olan məcburi köçkünlərlə görüşlərini əks etdirən fotostendlərə,  “Xocalı faciəsi - xalqın qan yaddaşı” adlı fotoguşəyə, Heydər Əliyev Fondunun həyata keçirdiyi irimiqyaslı layihələri, ümumilikdə mədəniyyətin inkişafına göstərilən diqqət və qayğını əks etdirən guşələrə baxış keçirildi.

Tədbir uşaq musiqi məktəbinin akt zalında Dövlət Himnimizin səsləndirilməsi ilə başladı. Xocalı şəhər 1 nömrəli Uşaq Musiqi Məktəbinin direktoru Ziya Aşurov çıxış edərək tədbiri açıq elan edib, məktəbin fəaliyyəti haqqında ətraflı məlumat verib.

Tədbirdə qeyd edilib ki, Xocalı şəhər 1 nömrəli Uşaq musiqi məktəbi 1989-cu ilin sentyabr ayından fəaliyyətə başlayıb. İlk direktoru Allahverdiyev Ramiz Misir oğlu olmuşdur. Xocalı rayonunun işğalından sonra məktəb fəaliyyətini Naftalan şəhərində davam etdirib. 2012-ci ilin yanvar ayının 21-də Goranboy rayonunda məcburi köçkünlər üçün salınmış qəsəbəyə köçürülmüşdür. Uşaq musiqi məktəbinin açılışında ölkə başçısı iştirak etmişdir. Vurğulanıb ki, məktəbdə 5 ixtisas 99 şagird təhsil alır, 34 müəllim çalışır.

Gəncə Regional Mədəniyyət İdarəsinin əməkdaşı Bəxtiyar Muradov məktəbin direktoruna regional idarənin fəxri fərmanını təqdim etdi.

Sonda Xocalı rayon İcra Hakimiyyətinin başçısı Şahmar Usubov çıxış edərək təbrik nitqini iştirakçılara təqdim etdi və məktəb kollektivinə uğurlar arzuladı.

Yubiley tədbiri məktəb şagirdlərinin, musiqi kollektivlərinin musiqi nömrələri davam etdi. Tədbir iştirakçıların marağına səbəb olub və alqışlarla qarşılanıb.

XƏBƏRLƏR

29.01.2020 11:39
Mədəniyyət üzrə Elmi-Metodiki və İxtisasartırma Mərkəzi yeni pilot sorğu keçirmək niyyətindədir
29.01.2020 10:33
“Buratino” nağıl-tamaşası növbəti dəfə təqdim edilib
29.01.2020 10:33
Bakı Uşaq və Gənclər Teatrı fəaliyyətə başlayıb
29.01.2020 09:33
Akademik Milli Dram Teatrında Səməndər Rzayevin 75 illik yubileyi qeyd edilib
28.01.2020 11:37
"Kreativ Azərbaycan" portalının tərəfdaşlığı ilə "Azerbaijan Design Award" müsabiqəsi keçiriləcək
28.01.2020 11:24
Akademik Milli Dram Teatrında yeni tamaşanın məşqlərinə başlanılıb
28.01.2020 11:22
Gənc Tamaşaçılar Teatrında uşaqlarla növbəti görüş maraqlı keçib
28.01.2020 11:21
Kukla Teatrının yaradıcı kollektivi yeni səhnə əsəri hazırlayır
27.01.2020 16:47
Firidun bəy Köçərlinin anım gününə həsr edilmiş “Əbədi yaşarlıq ünvanı” adlı tədbir keçirilib
27.01.2020 16:30
Musiqili Teatrda yeni səhnə əsəri hazırlanır
27.01.2020 15:08
Qubada Həzi Aslanovun anadan olmasının 110 illiyi ilə əlaqədar tədbir keçirilib
27.01.2020 12:29
Musiqili Teatr “Paris Notr-Dama ithaf”ı yenidən göstərib