Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
338

Sabirabadda 20 Yanvar şəhidlərinin xatirəsi anılıb

Azərbaycan tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən otuz il keçir. Xalqımız indiyədək bu faciənin ağrı-acısı ilə yaşayır.

20 Yanvar faciəsinin otuzuncu ildönümü ilə əlaqədar yanvarın 15-də Sabirabad rayon Mədəniyyət Mərkəzində Sabirabad rayon Tarix-Diyarşünaslıq Muzeyinin təşkilatçılığı ilə 20 Yanvar şəhidlərinin əziz xatirəsinə həsr olunmuş foto və stendlərdən hazırlanmış guşə qarşısında tədbir keçirilmişdir. Tədbirdə Sabirabad Regional Mədəniyyət İdarəsinin, Sabirabad rayon Tarix-Diyarşünaslıq Muzeyinin kollektivi və dərnək və kurs üzvləri iştirak edib.

Əvvəlcə Azərbaycanın azadlığı uğrunda şəhid olanların əziz xatirəsi bir dəqiqəlik sükutla yad edildi. Sonra Sabirabad Regional Mədəniyyət İdarəsinin əməkdaşı Telman Əzimov, Sabirabad rayon Tarix-Diyarşünaslıq Muzeyinin direktoru Şükufə Əsgərova və Sabirabad Dövlət Sosial İqtisad Kollecinin müəllimi Səidə Hüseynova çıxışlar edərək, 1990-cı ilin 20 yanvarında Azərbaycan xalqının öz azadlığı və müstəqilliyi uğrunda çox sayda şəhid verdiyini, lakin iradənin sınmadığı və milli ruhu sarsılmadığını, həmin qırğın zamanı ümummilli mənafelərin müdafiəsi naminə canlarından keçmiş və şəhidlik zirvəsinə ucalmış Vətən övladları misilsiz fədakarlıqları ilə xalqımızın qəhrəmanlıq salnaməsinə yeni parlaq səhifə yazdığını qeyd ediblər.

Sonda tədbir  iştirakçıları 1990-cı il 20 Yanvar şəhidlərinin əziz xatirəsinə həsr olunmuş foto və stendlərdən hazırlanmış guşəyə baxış keçiriblər.

*      *      *

Yanvarın 16-da Sabirabad Regional Mədəniyyət İdarəsinin kollektivi Sabirabad rayonunun Kürkəndi kəndində anadan olmuş və “20 Yanvar şəhidi” adını almış Zəbulla Xeyrulla oğlu Əliyevin məzarını ziyarət edib.

Məlumat üçün qeyd edək ki, Zəbulla Xeyrulla oğlu Əliyev 1946-cı il martın 6-da Sabirabad rayonunun Kürkəndi kəndində anadan olmuşdur. Bakı şəhərində 1 nömrəli tikiş fabrikində sürücü işləyib. Beş uşaq atası olub. Zəbulla Əliyev yanvarın 20-də vəfat edib. Anadan olduğu kənddə dəfn edilib.

Sabirabad rayonunun küçələrindən biri Zəbulla Xeyrulla oğlunun Əliyevin adını daşıyır. Zəbulla Xeyrulla oğlu Əliyevə Azərbaycan Respublikası Prezidentinin 31 mart 1998-ci il tarixli fərmanı ilə ölümündən sonra “20 Yanvar şəhidi adı verilmişdir.                                                                                                                                                                                

XƏBƏRLƏR

20.02.2020 11:09
“Doğma dilim, ana dilim” adlı tədbir keçirildi
20.02.2020 10:46
Gənc fotoqrafın fərdi sərgisi
20.02.2020 10:44
Gənc pianoçu Estoniyada Qran-pri mükafatına layiq görülüb
20.02.2020 10:41
Xocalı faciəsi bəşəriyyətə qarşı yönəlmiş ən dəhşətli vandalizm aktıdır
20.02.2020 10:40
Masallı Tarixi-Diyarşünaslıq Muzeyinə gənclərin ekskursiyası təşkil edilib
20.02.2020 10:38
Şəki Xan Sarayı ilə tanışlıq Qış məktəbinin iştirakçılarında böyük maraq doğurub
20.02.2020 10:34
“Baladadaşın toy hamamı” tamaşası yenidən səhnədə
20.02.2020 09:18
Ankarada türk dünyasının görkəmli şairi Kojogeldi Kuluyevin yubileyi qeyd olunub
20.02.2020 09:07
Kitabxana məktəblərin tələbatına uyğun olaraq məlumat bazaları yaradır
19.02.2020 16:43
Mədəniyyət naziri Əbülfəs Qarayevin Böyük Britaniyada görüşləri davam edir
19.02.2020 11:27
Sumqayıt şəhər Mərkəzi Uşaq Kitabxanasında bir qrup könüllülərlə görüş keçirilib
19.02.2020 10:30
Mədəni İrsin Qorunması, İnkişafı və Bərpası üzrə Dövlət Xidmətinin regional idarələrinin ərazi mənsubiyyətinin bölgüsü təsdiq edilib
19.02.2020 09:14
Əməkdar incəsənət xadimi Aydın Kazımzadənin 80 illiyinə həsr olunmuş tədbir keçirilib
19.02.2020 09:02
Görkəmli bəstəkar Vasif Adıgözəlovun yaşadığı evin qarşısında barelyefi açılıb
19.02.2020 08:59
İstiqlal Muzeyində “Xocalıda can qaldı” adlı tədbir təşkil olunacaq
18.02.2020 17:18
Beşinci Buktreyler Festivalının tələbləri açıqlanıb
18.02.2020 16:45
Kukla Teatrında “Bahar“ tamaşasının premyerası olub