12 dekabr 2019-cu ildə Qara Qarayev adına Mərkəzi İncəsənət Məktəbində
Azərbaycan xalqının ümummilli lideri Heydər Əliyevin xatirəsinə həsr olunmuş anım tədbiri keçirildi.Tədbir ümummilli lider Heydər Əliyevin xatirəsinin bir dəqiqəlik sükutla yad edilməsilə başlandı. Tədbirin təşkilatçısı və aparıcısı musiqişünas Leyla Həsənova ulu öndər Heydər Əliyevin həyatı, siyasi fəaliyyəti, xüsusən də Azərbaycan mədəniyyəti və incəsənətinə olan diqqət və qayğısından ətraflı danışdı. Tədbir boyu dahi şəxsiyyət Heydər Əliyevin həyatı, siyasi görüşləri ilə bağlı maraqlı, rəngarəng foto slayd və video çarxlar nümayiş edildi.
Tədbirdə VII sinif şagirdi Lalə Bədəlzadənin ifasında F.Sücəddinovun “Vətən balladası” səsləndi.
Mərkəzi İncəsənət Məktəbinin direktoru Əziz Qarayusifli yekun sözü ilə çıxış edərək ümummilli lider Heydər Əliyev haqqında düşüncələri, şahidi olduğu maraqlı xatirələri dinləyicilərlə bölüşdü.