Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1122

Elmi-Metodiki və İxtisasartırma Mərkəzi yeni beynəlxalq metodiki vəsait hazırlayıb

Beynəlxalq Türk Akademiyası (TWESCO) və Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi (MEMİM) arasında imzalanmış əməkdaşlıq memorandumu çərçivəsində “Muzey fondlarında əlyazmaların qorunması işlərinin əsas istiqamətləri” adlı ilk birgə metodiki vəsait işıq üzü görüb.

MEMİM-in metodisti Sevinc Qasımovanın müəllifliyi, TWESCO-nun Prezidenti Darxan Kıdırəli və Mərkəzin direktoru Asif Usubəliyevin nəzarəti ilə nəşr olunan “Muzey fondlarında əlyazmaların qorunması işlərinin əsas istiqamətləri” adlı metodiki tövsiyə muzeylərdə əlyazmaların saxlanma və qorunma şəraitləri, temperatur, işıq, nəmişlik, bioloji rejimləri, fors-major və digər vəziyyətləri əhatə edir.

Vəsait türk və ingilis dillərinə tərcümə olunacaq və bütün TÜRKSOY-a üzv ölkələrə istifadə etmək üçün göndəriləcək.

Xatırladaq ki, Beynəlxalq Türk Akademiyası türkdilli ölkələrin prezidentlərinin, o cümlədən Prezident İlham Əliyevin birgə təşəbbüsü ilə 2010-cu ildə təsis olunub. 2017-ci ildə Qazaxıstanın Astana şəhərində türkdilli ölkələrin Humanitar elmlər üzrə II Beynəlxalq Forumu keçirilib. Forum çərçivəsində Beynəlxalq Türk Akademiyasının Prezidenti Darxan Kıdırəli və Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev tərəfindən əməkdaşlıq memorandumu imzalanıb. Azərbaycan milli mədəniyyətinin təbliğinə xidmət edən memorandum çərçivəsində müxtəlif səpgili birgə tədbirlərin təşkili ilə yanaşı, tərəflərin qarşılıqlı informasiya dəstəyinin göstərilməsi və metodiki vəsaitlərinin hazırlanması da nəzərdə tutulub.

Daha sonra 2018-ci ildə Astana səhərində TWESCO tərəfindən təşkil olunan Türkdilli xalqların Muzey Əşyalarının İstifadə və Qorunmasına dair Beynəlxalq İşçi Qrupu təşkil olunub. Təsis toplantısında həmin qrupun sədri Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev seçilib.

İşçi Qrupunun yaradılmasında məqsəd türkdilli xalqların maddi-mədəni mirasının qoruyucuları olan muzeylərimizlə elmi və mədəni əməkdaşlığı canlandırmaq, ortaq dəyərlərimizin beynəlxalq ictimaiyyətə daha təsirli təqdimatı üçün onlar arasında vahid metodoloji standartların işlənib hazırlanmasıdır. Bundan əlavə, Muzey Əşyalarının İstifadə və Qorunmasına dair Beynəlxalq İşçi Qrupu muzeyşünaslıq məsələlərində metodoloji şura funksiyasını üzərinə götürüb.

XƏBƏRLƏR

01.06.2020 11:54
İrəvan Teatrının iyun ayı üçün virtual repertuarı açıqlanıb
31.05.2020 14:30
Uşaqlar üçün bir çox məşhur musiqi əsərlərinin müəllifi - Oqtay Zülfüqarov
31.05.2020 10:03
Milli Kitabxana “Azərbaycan Xalq Cümhuriyyəti” adlı elektron məlumat bazasını təqdim edib
28.05.2020 14:55
"Şərqin ilk demokratik respublikası" mövzusunda videokonfrans keçirilib
28.05.2020 13:40
Gözəl mahnı möhtəşəm ifada
28.05.2020 13:38
Azərbaycan bəstəkarlıq məktəbinin görkəmli nümayəndəsi - Firəngiz Əlizadə
27.05.2020 16:35
İrəvan Teatrı Respublika Günü münasibətilə videokonfrans keçirib
27.05.2020 13:33
“Unudulmayanlar” layihəsinin onlayn mühazirəsi Hüseynqulu Sarabskiyə həsr edilib
23.05.2020 17:48
"15 İyun - Milli Qurtuluş Günü"nə həsr olunmuş müsabiqə elan edilib
23.05.2020 17:33
Peşə etikasının yeni prinsipləri
23.05.2020 17:02
Beynəlxalq Muğam Mərkəzində gənc ifaçıların konserti təqdim edilib
23.05.2020 16:18
“Global message” adlı virtual sərgi keçirilib
23.05.2020 16:13
Beynəlxalq Muğam Mərkəzi "Qədim alətlərimiz" rubrikasından Şahrud aləti haqqında mühazirəni təqdim edib
22.05.2020 14:56
Seyid Əzim Şirvaninin qəzəllərinin özbək dilinə tərcüməsi başa çatıb
22.05.2020 14:32
“Koronavirus: yeni mədəni paradiqmalar” beynəlxalq videokonfrans
22.05.2020 10:31
“Qədim alətlərimiz” rubrikasından şahrud aləti haqqında mühazirə təqdim edilib
20.05.2020 18:56
Mədəni konsaltinq xidmətləri davam edir
20.05.2020 18:48
“Müsyo Jordan və dərviş Məstəli şah” tamaşası bu dəfə onlayn göstəriləcək