Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
645

Şəkidə “Zəmanəsinə sığmayan Nəsimi” ədəbi-bədii kompozisiyası tamaşaçılara duyğulu anlar yaşadıb

Kainat, zaman, çağ mənəm deyən, zərrədə günəş axtararaq varlığın bir vücuddan yarandığını deyən, könül tərbiyəsi və gözəlliyini insan ömrünün qayəsi sayan dahi mütəfəkkir İmadəddin Nəsimi Azərbaycan ədəbiyyatı tarixində ana dilində yaranan fəlsəfi qəzəlin əsasını qoyan böyük ideallar şairi olub.

Bu fikir Kimya-Biologiya Təmayüllü Respublika Liseyinin Şəki filialının təşkilatçılığı ilə keçirilən “Zəmanəsinə sığmayan Nəsimi” adlı ədəbi-bədii tədbirdə səsləndirilib.

Şəki Dövlət Dram Teatrında keçirilən tədbirdə şəhər rəhbərliyi, ziyalılar, liseyin müəllim və şagirdləri, valideynlər, həmçinin Nəsimiyə həsr olunan beynəlxalq konfransda iştirak etmək üçün Şəkiyə gələn AMEA Tarix İnstitutunun alimləri, türkiyəli elm xadimləri iştirak ediblər.

Tədbirin rəsmi hissəsində çıxış edən filialın direktoru Ariz Abdullayev Prezident İlham Əliyevin Sərəncamı ilə 2019-cu ilin ölkəmizdə “İmadəddin Nəsimi ili” elan edilməsinin şairin zəngin irsinin təbliği və dünyada tanıdılması baxımından çox böyük əhəmiyyət daşıdığını vurğulayıb. O deyib: “Bu gün buraya dahi şair və mütəfəkkir İmadəddin Nəsiminin bizlərə miras qoyduğu əvəzsiz irsi dəyərləndirmək, şairin 650-ci ildönümünə və onun 47 baharlıq ömür yoluna işıq salmaq üçün toplaşmışıq. Buraya şairin məhəbbət, gözəllik, ağıl, idrak nümunəsi olan poeziyasını dinləməyə, istisinə qızınmağa, Nəsimi zirvəsindən od götürməyə gəlmişik. Məsləki uğrunda dara çəkilib dərisi soyulan, son nəfəsində belə öz sözündən dönməyən bu mərd insanın faciəli ölümü neçə əsrlərdir ki, şairlərin şeirlərində, aşıqların sazında, alimlərin məqalələrində, dahi insanların fikirlərində tərənnüm olunur”.

Liseyin şagirdlərinin Nəsiminin yaradıcılığı ilə bağlı təqdim etdikləri ədəbi-bədii kompozisiyalar, söylədikləri şeirlər, qəzəllər gecəyə toplaşanlar tərəfindən böyük maraqla qarşılanıb.

Gecənin sonunda AMEA Tarix İnstitutunun direktoru, Milli Məclisin deputatı, akademik Yaqub Mahmudov çıxış edərək Nəsiminin Azərbaycan ədəbiyyatı tarixindəki rolundan söz açıb, yüksək səviyyədə hazırlanan və təqdim olunan bədii proqrama görə liseyin kollektivinə minnətdarlığını bildirib.

XƏBƏRLƏR

01.06.2020 11:54
İrəvan Teatrının iyun ayı üçün virtual repertuarı açıqlanıb
31.05.2020 14:30
Uşaqlar üçün bir çox məşhur musiqi əsərlərinin müəllifi - Oqtay Zülfüqarov
31.05.2020 10:03
Milli Kitabxana “Azərbaycan Xalq Cümhuriyyəti” adlı elektron məlumat bazasını təqdim edib
28.05.2020 14:55
"Şərqin ilk demokratik respublikası" mövzusunda videokonfrans keçirilib
28.05.2020 13:40
Gözəl mahnı möhtəşəm ifada
28.05.2020 13:38
Azərbaycan bəstəkarlıq məktəbinin görkəmli nümayəndəsi - Firəngiz Əlizadə
27.05.2020 16:35
İrəvan Teatrı Respublika Günü münasibətilə videokonfrans keçirib
27.05.2020 13:33
“Unudulmayanlar” layihəsinin onlayn mühazirəsi Hüseynqulu Sarabskiyə həsr edilib
23.05.2020 17:48
"15 İyun - Milli Qurtuluş Günü"nə həsr olunmuş müsabiqə elan edilib
23.05.2020 17:33
Peşə etikasının yeni prinsipləri
23.05.2020 17:02
Beynəlxalq Muğam Mərkəzində gənc ifaçıların konserti təqdim edilib
23.05.2020 16:18
“Global message” adlı virtual sərgi keçirilib
23.05.2020 16:13
Beynəlxalq Muğam Mərkəzi "Qədim alətlərimiz" rubrikasından Şahrud aləti haqqında mühazirəni təqdim edib
22.05.2020 14:56
Seyid Əzim Şirvaninin qəzəllərinin özbək dilinə tərcüməsi başa çatıb
22.05.2020 14:32
“Koronavirus: yeni mədəni paradiqmalar” beynəlxalq videokonfrans
22.05.2020 10:31
“Qədim alətlərimiz” rubrikasından şahrud aləti haqqında mühazirə təqdim edilib
20.05.2020 18:56
Mədəni konsaltinq xidmətləri davam edir
20.05.2020 18:48
“Müsyo Jordan və dərviş Məstəli şah” tamaşası bu dəfə onlayn göstəriləcək