Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
379

Daşkənddə İmadəddin Nəsiminin 650 illiyinə həsr olunmuş poeziya axşamı təşkil edilib

Özbəkistandakı Heydər Əliyev adına Azərbaycan Mədəniyyət Mərkəzində (AMM) böyük Azərbaycan şairi İmadəddin Nəsiminin 650 illiyinə həsr olunmuş “Canımı qıldım fəda...” adlı poeziya axşamı keçirilib.

Tədbir çərçivəsində Mədəniyyət Mərkəzi tərəfindən elan olunan “Məndə sığar iki cahan” adlı şeir müsabiqəsinin qalibləri mükafatlandırılıb.

Tədbirdə Özbəkistanın və Azərbaycanın tanınmış elm, ədəbiyyat, mədəniyyət xadimləri, nəsimişünas alimləri iştirak edib.

Tədbir çərçivəsində mərkəzin foyesində “Nəsimi yaradıcılığı rəsmlərdə, fotolarda, əlyazmalarda” adlı sərgi nümayiş etdirilib.

AMM-nin direktoru Samir Abbasov bildirib ki, Azərbaycan Prezidenti İlham Əliyevin müvafiq Sərəncamı ilə 2019-cu ilin ölkəmizdə “Nəsimi ili” elan olunması ilə əlaqədar Daşkənddə böyük şairin həyatına və yaradıcılığına həsr olunan silsilə tədbirlər keçirilir. Bu ilin may ayında “Məndə sığar iki cahan” adlı şeir müsabiqəsi elan edilib. Müsabiqəyə hər iki ölkə şairlərinin Nəsimi üslubunda yazdıqları şeirlər təqdim olunub. Toplanmış şeirlər əsasında “Menga sig‘ar ikki jahon (she’rlar)” adlı kitab çap edilib.

Azərbaycan Milli Elmlər Akademiyası (AMEA) Ziya Bünyadov adına Şərqşünaslıq İnstitutunun elmi işçisi, filologiya üzrə fəlsəfə doktoru Səadət Şıxıyeva İmadəddin Nəsiminin həyatı, yaradıcılığı, mühiti haqqında söhbət açıb. Alim deyib ki, Nəsimi böyük şair olmaqla yanaşı, həm də təfsirçidir, alimdir, musiqini gözəl anlayan və musiqi alətlərində ifa edən şəxsdir. Hürufi, sufi şeyxi kimi tanınan şairin sağlığında onun şeirləri dünyanın dörd tərəfinə yayılıb. Şairin yaradıcılığından Özbəkistan şairləri də bəhrələnib. Lütfi, Hafiz Xarəzmi, Əlişir Nəvai, Hüseyn Baykara, Babur Şah, Məşrəb və başqa şairlər Nəsiminin şeirlərindən bəhrələnərək ona nəzirələr yazıblar.

Alim və tərcüməçi Babaxan Şərif, dosent Adxambek Alimbekov, filologiya elmləri namizədi Kərimulla Məmmədzadə, gənc şair Fərid Hüseyn, Azərbaycanın İsmayıllı Regional Mədəniyyət İdarəsinin rəisi Elnur Hüseynov Nəsimini hürufi və sufi şairi, hədislərin gözəl bilicisi kimi təhlil ediblər.

Sonra “Menga sig‘ar ikki jahon (she’rlar)” adlı kitabın təqdimatı olub, “Məndə sığar iki cahan” adlı şeir müsabiqəsinin Özbəkistan və Azərbaycandan olan qaliblərinə AMM-nin fəxri diplomları və pul mükafatları verilib.

Nəsiminin “Məndə sığar iki cahan” adlı şeirinə Azərbaycan əsilli müğənni Sami Yusifin oxuduğu kompozisiya göstərildikdən sonra Özbəkistanın Əməkdar artisti, professor Fizruzə Abduraximovanın rəhbərliyi ilə “Soqdiana” xalq çalğı alətləri orkestri Azərbaycan bəstəkarlarının əsərlərini ifa edib.

XƏBƏRLƏR

25.01.2020 20:17
Mixail Qusmanın “Hakimiyyət formulu” və "Həyat formulu" kitablarının təqdimatı keçirilib
25.01.2020 18:13
“Bakı-Moskva: mədəniyyətlərin dialoqu” konfransının iştirakçıları İçərişəhərlə tanış olublar
25.01.2020 17:26
Xalça Muzeyində “Azərbaycan xalçası və Kübra Əliyeva” mövzusunda mühazirə dinlənilib
25.01.2020 14:17
“Bakı-Moskva: mədəniyyətlərin dialoqu” konfransının iştirakçıları Milli İncəsənət Muzeyində olublar
25.01.2020 13:09
Azərbaycan Milli Xalça Muzeyi Mərakeş muzeyləri ilə əməkdaşlığa başlayıb
25.01.2020 12:38
“Bakı-Moskva: Mədəniyyətlərin dialoqu” konfransının iştirakçıları ilə Milli Məclisdə görüş olub
25.01.2020 11:06
Heydər Əliyev Mərkəzində “Onları Bakı və Moskva sevir” fotosərgisi açılıb
24.01.2020 18:05
Rusiya ilə mədəni əlaqələr xüsusi əhəmiyyət kəsb edir
24.01.2020 17:52
“Bakı-Moskva: mədəniyyətlərin dialoqu” konfransının iştirakçıları Prezident Kitabxanasında olublar
24.01.2020 16:19
“Mədəniyyətlərin dialoqu – xalqların dialoqunun əsasıdır” mövzusunda dəyirmi masa keçirildi
24.01.2020 13:12
Rusiya nümayəndə heyəti ümummilli lider Heydər Əliyevin məzarını ziyarət edib
24.01.2020 13:09
UNESKO-da Daimi Nümayəndələr Dərnəyinin tədbiri keçirilib
24.01.2020 11:21
Əfsanəvi caz müğənnisi Dayan Rivs Heydər Əliyev Mərkəzində çıxış edəcək
24.01.2020 11:08
Milli Dram Teatrında Səməndər Rzayevin 75 illik yubileyi qeyd ediləcək
24.01.2020 10:31
Lənkəranda Həzi Aslanovun 110 illik yubileyi qeyd edilib
24.01.2020 09:42
Muğam Mərkəzində Xalq artisti Vəli Qədimovun xatirəsi yad edilib
24.01.2020 09:09
Ümumrusiya Dövlət Xarici Ədəbiyyat Kitabxanasının mütəxəssisləri Milli Kitabxanada olublar
23.01.2020 14:55
Qəbələ Dövlət Tarix-Bədii Qoruğu turistlərin ən çox səfər etdiyi tarixi məkanlardandır
23.01.2020 14:20
“Azərbaycan toyu” Ginnesin Rekordlar Kitabına daxil edilə bilər
23.01.2020 14:19
Mədəniyyət nazirinin müavini Xırdalan şəhərində vətəndaşlarla görüşüb
23.01.2020 12:15
Moskvada Polad Bülbüloğlunun 75 illik yubileyi təntənəli şəkildə qeyd olunub