Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
277

“Rebuild Karabakh” sərgisi çərçivəsində “Mədəniyyət naminə sülh” qlobal kampaniyası ilə bağlı sessiya keçirildi

Oktyabrın 22-də Bakı Ekspo Mərkəzində 1-ci Azərbaycan “Qarabağın bərpa, yenidənqurma və inkişafı” beynəlxalq sərgisi (“Rebuild Karabakh” – 2021) çərçivəsində Mədəniyyət Nazirliyinin “Mədəniyyət naminə sülh” (Peace4Culture) qlobal kampaniyasına həsr olunan panel sessiyası keçirildi.

Tədbirdə bir sıra dövlət qurumlarının, beynəlxalq təşkilatların rəhbər və nümayəndələri iştirak edirdi.

Sessiyanı giriş sözü ilə açan “Azərbaycan Televiziya və Radio Verilişləri” QSC-nin sədr müavini Rüfət Həmzəyev qonaqları salamladı. Bildirdi ki, sessiya “Yalnız mədəniyyətin sülh üçün nə edəcəyini deyil, həm də sülhün mədəniyyət üçün nə edəcəyini düşün” devizi ilə keçirilir.

Mədəniyyət Nazirliyinin Aparat rəhbəri Vasif Eyvazzadə çıxış edərək qlobal kampaniya haqqında məlumat verdi. Qeyd etdi ki, Prezident İlham Əliyevin dəstəyi, dövlətimizin BMT-nin Sivilizasiyalar Alyansı ilə birgə təsis etdiyi “Mədəniyyət naminə sülh” kampaniyasına Mədəniyyət Nazirliyi tərəfindən beynəlxalq tərəfdaşlarla birgə 2021-ci ilin iyun ayında başlanılıb. Kampaniyanın əsas məqsədi müxtəlif münaqişə regionlarında mədəni irsin qorunmasına orada sülhün yaradılması vasitəsilə nail oluna biləcəyinin, mədəni həyatın canlanmasında sülhün mühüm rol oynadığının, habelə ölkəmizin işğaldan azad olunmuş ərazilərdə sülhün bərqərar olması ilə mədəniyyətin və həyatın dirçəlməsinin başqa regionlara da nümunə ola biləcəyini dünyaya çatdırılması, həmçinin planetin heç bir yerində, heç bir mədəniyyətə qarşı vandalizmin təkrarlanmaması üçün çağırış edilməsidir.

Kampaniya sülh vasitəsilə mədəni irsin qorunmasının, dinc və dayanıqlı sülhsevər cəmiyyətlərin qurulmasının və beynəlxalq sülh sistemlərinin gücləndirilməsinin, eləcə də sülhün əldə olunmasında mədəniyyətin rolu ilə yanaşı, mədəniyyətin inkişafında sülhün rolunun öyrənilməsini nəzərdə tutur.

Bu kampaniya eyni zamanda Azərbaycan Respublikasının Prezidenti İlham Əliyev tərəfindən 2008-ci ildə irəli sürülmüş “Bakı Prosesi” təşəbbüsü və 2010-cu ildə BMT Baş Assambleyası çərçivəsində irəli sürülmüş Dünya Mədəniyyətlərarası Dialoq Forumu ideyasının qlobal miqyasda davamını və onun əsas ideyalarına sadiqliyi nümayiş etdirir. Bununla əlaqədar “Mədəniyyət naminə sülh” kampaniyası mədəniyyəti qorumaq naminə sülhü təşviq etməyin əhəmiyyətini bir daha bəyan edərək dünyanı malik olduğu mədəni müxtəlifliyə sahib çıxmağa və onun təhlükəsizliyini vaxtında təmin etməyə çağırır.

Azərbaycan Respublikasının Beynəlxalq İnkişafa Yardım Agentliyinin rəisi Elməddin Mehdiyev bildirdi ki, “Mədəniyyət naminə sülh” kampaniyası yeni bir təşəbbüsdür: “Bir il əvvəl Vətən müharibəsində qazanılan Zəfərdən sonra həm Azərbaycan üçün, həm də region üçün yeni bir dönəm başladı. Azərbaycan Respublikası işğal faktını aradan qaldırıb, BMT-nin dörd qətnaməsini birtərəfli və təkbaşına həyata keçirib, torpaqlarını işğaldan azad edib”.

E.Mehdiyev qeyd etdi ki, ölkəmiz müstəqilliyinin ilk illərində bir sıra problemlərlə üzləşmişdi. Azərbaycana 25 il öncə humanitar yardım edilirdi. Lakin qısa müddət ərzində Azərbaycan humanitar yardım alan ölkədən donor ölkəyə çevrildi. Təkcə mövcud pandemiya dövründə Azərbaycandan 33 ölkəyə COVİD-19 virusu ilə mübarizə üçün yardım göndərilib.

Bakı Beynəlxalq Multikulturalizm Mərkəzinin icraçı direktoru Rəvan Həsənov söylədi ki, “Mədəniyyət naminə sülh”ün ölkəmiz tərəfindən başladılması təsadüfi deyil: “Bunun əsas səbəbi torpaqlarımızın otuz ilə yaxın işğal altında olması və sülhün aradan qalxmasıdır. İşğal dövründə mədəni abidələrimiz dağıdılıb, məhv edilib. Sülh özlüyündə insanların rifahının qaldırılması üçün bir vasitədir. Biz işğaldan azad olunmuş ərazilərə səfər edəndə oradakı vəziyyəti görərək erməni vandalizmi miqyasını düşünürük”.

İcraçı direktor dayanıqlı sülhün təmin olunmasının birgə yaşayış modelindən keçdiyini bildirərək regionun dayanıqlı iqtisadi, siyasi və mədəni inkişafını təmin etmək üçün qarşılıqlı əməkdaşlığın vacib olduğunu diqqətə çatdırdı.

Yeni Azərbaycan Partiyası Gənclər Birliyinin sədri Bəxtiyar İslamov “Mədəniyyət naminə sülh” qlobal kampaniyasında gənclərin rolunun vacibliyini vurğuladı. Ölkə olaraq böyük tarixi keçmişə, milli dövlətçilik ənənələrinə sahib olduğumuzu söyləyən B.İslamov bu sahibliyin əsas daşıyıcısının və qoruyucusunun da gənclər olduğunu bildirdi.

Sonda sessiya iştirakçılarının mövzu ətrafında sualları cavablandırıldı.

XƏBƏRLƏR

03.12.2021 16:18
“Mədəniyyət naminə sülh”
03.12.2021 15:07
Milli Teatrın tamaşaları beynəlxalq forumda böyük maraqla qarşılanıb
03.12.2021 10:54
Daşkənddə “Nizami Gəncəvi və Əlişir Nəvai mədəniyyət və ədəbiyyat günləri”nin açılış mərasimi olub
02.12.2021 19:10
Sülhsevər cəmiyyətləri və beynəlxalq sülh sistemini gücləndirmək dövrün əsas çağırışıdır
02.12.2021 16:33
Bakıda “Mədəniyyət naminə sülh” qlobal kampaniyasının Tərəfdaşlar Forumu keçirilir
02.12.2021 14:40
Azərbaycan UNESCO-nun “Silahlı münaqişə zamanı mədəni sərvətlərin qorunması haqqında” Haaqa Konvensiyasının İkinci Protokolu üzrə Komitənin üzvü seçilib
02.12.2021 12:36
Dövlət Xidmətinin rəisi UNESCO-nun iclaslarında iştirak edib
02.12.2021 12:26
Mədəniyyət naziri Avropa Şurası Bakı ofisinin rəhbəri ilə görüşüb
02.12.2021 11:40
“Vərqa və Gülşa” miniatür əlyazma kitabındakı illüstrasiyaların toplandığı nəşrin təqdimatı keçirildi
01.12.2021 19:57
"Muzey eksponatının hekayəsini sən danış: Nizami Gəncəvi" hekayə müsabiqəsinin qalibləri təltif edildi
01.12.2021 13:55
Bakıda “Mədəniyyət naminə sülh” qlobal kampaniyasının Tərəfdaşlar Forumu keçiriləcək
29.11.2021 18:08
Bakıda “Müxtəlif dinlərin maddi-mənəvi irsi və dinlərdə musiqi” adlı konfrans keçirilib
29.11.2021 13:10
“Sonuncu” filmi daha iki mükafat qazanıb
29.11.2021 11:58
Aşıq Ələsgər yaradıcılığının dərindən öyrənilməsi və mənimsənilməsi bütün türk dünyası üçün vacibdir
26.11.2021 17:47
"Yaradanlar" filmi təqdim olunacaq
26.11.2021 17:05
Nizami Gəncəvi Beynəlxalq Forumu başa çatdı
26.11.2021 13:40
Beynəlxalq forumun növbəti paneli “Xəmsə” dialoqlarının didaktik rolu” adlanırdı
25.11.2021 18:41
Beynəlxalq forumun növbəti panel iclası – "Nizami Gəncəvi: müasir dünyaya baxış"
25.11.2021 17:59
Anar Kərimov Yunanıstanın ölkəmizdəki səfiri Nikolaos Piperiqos ilə görüşüb
25.11.2021 16:18
Özbək dilində Nizami “Xəmsə”nin təqdimatı keçirildi
25.11.2021 16:17
“Böyük Qayıdış: mədəniyyətin dirçəlişi” adlı beynəlxalq konfrans “Abidələri xilas edən Qələbə” və “Mədəniyyətin çiçəklənməsi üçün sülh” adlı sessiyaları ilə öz işinə davam etdi
25.11.2021 13:44
Fikrət Əmirovun və Hacı Zeynalabdin Tağıyevin yubileyləri UNESCO-da qeyd ediləcək
25.11.2021 13:38
Nizami Gəncəvinin ədəbi irsi bəşəriyyətin söz xəzinəsinə mühüm təsir göstərib
25.11.2021 13:36
“Mədəniyyət/Culture” jurnalının yeni sayı işıq üzü görüb
24.11.2021 20:23
“Böyük Qayıdış: mədəniyyətin dirçəlişi” mövzusunda beynəlxalq konfrans keçirildi
24.11.2021 18:39
“Nizami Gəncəvi “Xəmsə”sinin dünya ədəbiyyatına və mədəniyyətinə təsiri”
24.11.2021 17:17
“Nizaminin Orta əsr Şərqində siyasi və ictimai ənənələrə təsiri” mövzusunda panel iclası
24.11.2021 17:03
Fransız dilində nəşr olunan “Nizami Gəncəvi: qəzəllər və kəlamlar” kitabının təqdimatı oldu
24.11.2021 14:44
Nizami Gəncəvi Beynəlxalq Forumunun açılış mərasimi keçirildi
23.11.2021 14:36
Özbəkistanın media təmsilçiləri Füzuli və Şuşa rayonlarında olublar
23.11.2021 13:21
Bakıda təşkil olunacaq Nizami Gəncəvi Beynəlxalq Forumu ilə bağlı brifinq keçirildi