Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
697

“Kamil Əliyev: rəssam və dövr”

Oktyabrın 21-də Azərbaycan Milli Xalça Muzeyində “Kamil Əliyev: rəssam və dövr” adlı sərginin açılış mərasimi keçirildi. Sərgi Kamil Əliyevin (1921-2005) 100 illiyi haqqında dövlət başçısının müvafiq sərəncamına əsasən Mədəniyyət Nazirliyi ilə Milli Xalça Muzeyi tərəfindən təşkil olunub.

Muzeyin direktoru Şirin Məlikova qonaqları salamlayaraq diqqətə çatdırdı ki, Xalq rəssamı Kamil Əliyev ömrünü xalqımızın həyatında müstəsna yer tutan xalça sənətinin parlaq ənənələrinin yaşadılmasına və inkişafına həsr edib: “Onun yaratdığı portret-xalçalar mədəniyyətimizin qızıl fondunun inciləridir. Kamil Əliyevin misilsiz nailiyyəti – xalçanın səthində realistik, sanki canlı insan obrazını yaradan ən incə rəng, işıq-kölgə çalarları ilə işləmək bacarığı idi”.

Qeyd olundu ki, sərgidə Xalq rəssamının 29 əsəri təqdim edilir. Ekspozisiyada Xalça Muzeyinin eksponatları ilə yanaşı, Milli İncəsənət Muzeyi və sənətkarın ev-muzeyində qorunub saxlanılan xalça eskizləri, onların əsasında toxunan xalçalar da nümayiş olunur: “Kamil Əliyev muzeyimizlə sıx əməkdaşlıq edib. Burada onun fərdi sərgiləri keçirilib, yubileylərinə həsr edilmiş kataloqlar nəşr edilib. Bu gün də sənətkarın xalçaları daimi ekspozisiyamızı bəzəyir”.

Mərasimdə çıxış edən mədəniyyət naziri Anar Kərimov bildirdi ki, Kamil Əliyev öz yaradıcılığı ilə Azərbaycan xalça sənətinə böyük töhfələr bəxş edib. Onun yaratdığı çoxsaylı portret və zəngin ornamental xalçalar qiymətli mədəni sərvətimizdir.

Nazir bildirdi ki, Kamil Əliyevin 100 illik yubileyinin qeyd edilməsi ilə bağlı Prezident İlham Əliyev tərəfindən imzalanan sərəncam sənətə və sənətkarlara verilən yüksək dəyərin göstəricisidir: “Bundan öncə də rəssamın yubileyləri dövlət səviyyəsində təntənəli şəkildə keçirilmişdir. Milli mədəniyyətimizin yaşadılması və təbliğinə böyük önəm verən ümummilli lider Heydər Əliyev tərəfindən Kamil Əliyevin yaradıcılığı hər zaman yüksək qiymətləndirilmişdir. Ulu öndər sənətkarın yaradıcılığı haqqında demişdir: “Onun əsərləri Azərbaycan xalçaçılıq sənətində, rəssamlıq məktəbində daim yaşayacaq və çox görkəmli əsərlər kimi Azərbaycan mədəniyyəti xəzinəsində öz yerini tutacaq”.

Anar Kərimov qeyd etdi ki, maddi-mənəvi irsimizi qorumaq, gələcək nəsillərə ötürmək dövlətimizin müəyyən etdiyi mədəniyyət strategiyasının prioritetlərindəndir. Azərbaycan xalça sənəti də beynəlxalq səviyyədə layiqincə təbliğ olunaraq UNESCO-nun Qeyri-maddi-mədəni irs siyahısına daxil edilib. Bu mühüm nailiyyət Birinci vitse-prezident, Heydər Əliyev Fondunun prezidenti, UNESCO və İCESCO-nun xoşməramlı səfiri Mehriban xanım Əliyevanın böyük dəstəyi ilə əldə edilib.

Nazir vurğuladı ki, Xalq rəssamı Kamil Əliyevin yaradıcılığı xalça irsimizin ayrılmaz hissəsidir: “Onun əsərləri ilə Azərbaycanın müasir xalçaçılıq sənəti bədii və texniki baxımdan zəriflik, rəng həllinə görə isə çoxçalarlılıq qazanmışdır. Rəssam xalça üzərində Nizami Gəncəvi, İmadəddin Nəsimi, Məhəmməd Füzuli kimi Azərbaycanın görkəmli şair və mütəfəkkirlərinin, ümummilli lider Heydər Əliyev və digər dövlət xadimlərinin monumental portretlərini yaratmışdır. İstedadlı sənətkarın xalçaları və xalça eskizləri ölkəmizdə, həmçinin Paris, London, Tokio, Dehli, Ankara, İstanbul, Tehran, Moskva, Kiyev və digər şəhərlərin muzey və qalereyalarında sərgilənmişdir”.

Nizami adına Milli Azərbaycan Ədəbiyyatı Muzeyinin direktoru, millət vəkili, akademik Rafael Hüseynov bildirdi ki, Kamil Əliyev təkcə xalçaçılıq sənəti deyil, ümumi mədəniyyətimiz üçün sərvətdir.

Azərbaycan Rəssamlar İttifaqının sədri, Xalq rəssamı Fərhad Xəlilov Kamil Əliyev sənətindən söz açaraq bildirdi ki, onun yaratdığı xalçalar illər sonra da insanlara incə zövq bəxş edəcək.

Xalq rəssamı Eldar Mikayılzadə Kamil Əliyevlə birgə çalışdığı illəri xatırladı.

Xalçaçı, toxucu, uzun illər Kamil Əliyevlə birgə çalışmış Ədibə Musayeva portret xalçaların yaradılması ilə bağlı xatirələrini bölüşdü.

Sənətkarın qızı, rəssam Nərminə Əliyeva sərginin təşkilinə görə minnətdarlığını bildirdi.

Sonra qonaqlar sərgi ilə tanış oldular.

Milli Xalça Muzeyində “Kamil Əliyev: rəssam və dövr” sərgisi noyabrın 21-dək davam edəcək.

XƏBƏRLƏR

03.12.2021 16:18
“Mədəniyyət naminə sülh”
03.12.2021 15:07
Milli Teatrın tamaşaları beynəlxalq forumda böyük maraqla qarşılanıb
03.12.2021 10:54
Daşkənddə “Nizami Gəncəvi və Əlişir Nəvai mədəniyyət və ədəbiyyat günləri”nin açılış mərasimi olub
02.12.2021 19:10
Sülhsevər cəmiyyətləri və beynəlxalq sülh sistemini gücləndirmək dövrün əsas çağırışıdır
02.12.2021 16:33
Bakıda “Mədəniyyət naminə sülh” qlobal kampaniyasının Tərəfdaşlar Forumu keçirilir
02.12.2021 14:40
Azərbaycan UNESCO-nun “Silahlı münaqişə zamanı mədəni sərvətlərin qorunması haqqında” Haaqa Konvensiyasının İkinci Protokolu üzrə Komitənin üzvü seçilib
02.12.2021 12:36
Dövlət Xidmətinin rəisi UNESCO-nun iclaslarında iştirak edib
02.12.2021 12:26
Mədəniyyət naziri Avropa Şurası Bakı ofisinin rəhbəri ilə görüşüb
02.12.2021 11:40
“Vərqa və Gülşa” miniatür əlyazma kitabındakı illüstrasiyaların toplandığı nəşrin təqdimatı keçirildi
01.12.2021 19:57
"Muzey eksponatının hekayəsini sən danış: Nizami Gəncəvi" hekayə müsabiqəsinin qalibləri təltif edildi
01.12.2021 13:55
Bakıda “Mədəniyyət naminə sülh” qlobal kampaniyasının Tərəfdaşlar Forumu keçiriləcək
29.11.2021 18:08
Bakıda “Müxtəlif dinlərin maddi-mənəvi irsi və dinlərdə musiqi” adlı konfrans keçirilib
29.11.2021 13:10
“Sonuncu” filmi daha iki mükafat qazanıb
29.11.2021 11:58
Aşıq Ələsgər yaradıcılığının dərindən öyrənilməsi və mənimsənilməsi bütün türk dünyası üçün vacibdir
26.11.2021 17:47
"Yaradanlar" filmi təqdim olunacaq
26.11.2021 17:05
Nizami Gəncəvi Beynəlxalq Forumu başa çatdı
26.11.2021 13:40
Beynəlxalq forumun növbəti paneli “Xəmsə” dialoqlarının didaktik rolu” adlanırdı
25.11.2021 18:41
Beynəlxalq forumun növbəti panel iclası – "Nizami Gəncəvi: müasir dünyaya baxış"
25.11.2021 17:59
Anar Kərimov Yunanıstanın ölkəmizdəki səfiri Nikolaos Piperiqos ilə görüşüb
25.11.2021 16:18
Özbək dilində Nizami “Xəmsə”nin təqdimatı keçirildi
25.11.2021 16:17
“Böyük Qayıdış: mədəniyyətin dirçəlişi” adlı beynəlxalq konfrans “Abidələri xilas edən Qələbə” və “Mədəniyyətin çiçəklənməsi üçün sülh” adlı sessiyaları ilə öz işinə davam etdi
25.11.2021 13:44
Fikrət Əmirovun və Hacı Zeynalabdin Tağıyevin yubileyləri UNESCO-da qeyd ediləcək
25.11.2021 13:38
Nizami Gəncəvinin ədəbi irsi bəşəriyyətin söz xəzinəsinə mühüm təsir göstərib
25.11.2021 13:36
“Mədəniyyət/Culture” jurnalının yeni sayı işıq üzü görüb
24.11.2021 20:23
“Böyük Qayıdış: mədəniyyətin dirçəlişi” mövzusunda beynəlxalq konfrans keçirildi
24.11.2021 18:39
“Nizami Gəncəvi “Xəmsə”sinin dünya ədəbiyyatına və mədəniyyətinə təsiri”
24.11.2021 17:17
“Nizaminin Orta əsr Şərqində siyasi və ictimai ənənələrə təsiri” mövzusunda panel iclası
24.11.2021 17:03
Fransız dilində nəşr olunan “Nizami Gəncəvi: qəzəllər və kəlamlar” kitabının təqdimatı oldu
24.11.2021 14:44
Nizami Gəncəvi Beynəlxalq Forumunun açılış mərasimi keçirildi
23.11.2021 14:36
Özbəkistanın media təmsilçiləri Füzuli və Şuşa rayonlarında olublar
23.11.2021 13:21
Bakıda təşkil olunacaq Nizami Gəncəvi Beynəlxalq Forumu ilə bağlı brifinq keçirildi