Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
795

Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib

Məktubda qeyd olunur:

 

Hörmətli Baş Direktor!

Sizə əvvəlki məktubuma əlavə olaraq, nəzərinizə çatdırmaq istərdim ki, Azərbaycanın beynəlxalq ictimaiyyətin hər iki tərəfə etdiyi hərbi fəaliyyəti dayandırmaq bağlı çağırışlarına hörmət edərək humanitar atəşkəs təşəbbüsünü qəbul etdiyi bir vaxta, erməni silahlı qüvvələri atəşkəsin ilk günündə münaqişə zonasından təxminən 80 km aralıda olan Azərbaycanın ikinci böyük şəhəri olan Gəncəyə hücuma başladılar.

11 oktyabr gecə saat 2-də Gəncənin yaşayış və əhalinin sıx yaşadığı ərazisini hədəfə alan bu dəhşətli hücum nəticəsində 4 qadın ,10 mülki şəxs həyatına itirdi, 6 uşaq və 16 qadın olmaqla 34 insan yaralandı. Bu qeyri-insani hərəkət nəticəsində 3 uşaq hər iki valideynini itirdi, 10-dan çox yaşayış binası və 100-dən çox mülki infrastruktur zərər gördü.

Müstəqil dünya mediasının (BBC, Euronews, France24, AlJazeera, TRTWorld) yayımladığı xəbərlərə istinadən, məqsəd yaxınlıqdakı hərbi hədəfləri vurmaq olmamışdır. Belə ki, erməni raket hücumunun niyyəti məhz dinc və günahsız mülki vətəndaşlara qarşı qəsdən bir terror aktı törətmək idi. İlk dəfə yüksək dağıdıcı ballistik SCUD raketini istifadə edərək, Ermənistan silahlı qüvvələri mümkün qədər çox itki və dağıntılara səbəb olmaq niyyəti ilə əhali arasında qorxu və fəsad yaratmağa nail olmaq istədilər. Bu, 1949-cu il Dördüncü Cenevrə Konvensiyasına əsasən müharibə cinayətidir və beynəlxalq ictimaiyyət tərəfindən qətiyyətlə pislənilməlidir. Bu cür vəhşi hərəkətə heç bir bəraət qazandıla bilməz, çünki heç bir şey mülki şəxslərin qəsdən atəşə tutulmasına haqq qazandıra bilməz.

Ermənistan silahlı qüvvələri dinc mülki vətəndaşlarla yanaşı münaqişə zonasında çalışan jurnalistləri də hədəf alır. Elə bu yaxınlarda Azərbaycan Milli Televiziyasının heyəti Ermənistan silahlı qüvvələrinin atəşinə tutuldu, nəticədə 2 jurnalist xəsarət aldı və avtomobillərinə ziyan dəydi. Xatırladaq ki, mətbuat azadlığı və beynəlxalq ifadə azadlığının öhdəliklərini pozaraq, Ermənistan Xarici İşlər Nazirliyi Novaya Gazeta-nın rus jurnalistlərinin Azərbaycanın işğal olunmuş ərazilərindən müstəqil reportajları səbəbiylə akkreditasiyasını ləğv etdi.

Ermənistanın heç nəyə fərq qoymadan atəşə tutması nəticəsində təhsil infrastrukturuna, dini və mədəni abidələrə və binalara da ciddi ziyan dəyməkdədir. Təəssüf hissi ilə qeyd etmək lazımdır ki, məktəblər bu cür hücumlara məruz qalaraq hədəf zonalarına çevrilmiş və son məlumatlara görə, bu günə qədər 37 məktəbin zədələndiyi və ya məhv edildiyi bildirilir.

İlk məktubumda bəhs etdiyim 19-cu əsr Gəncə Gimnaziyasına əlavə olaraq, 9-cu əsrin İmamzadə məscidi, 19-cu əsr İskəndər Nevski Pravoslav Kilsəsi kimi digər abidələr də Ermənistanın davamlı raket hücumları nəticəsində zərər gördü. Bu isə o dəməkdir ki, Ermənistanın siyasi-hərbi rəhbərliyi üçün müqəddəs heçnə yoxdur.

Vurğulamaq istərdim ki, Gəncə sıradan bir şəhər deyil, bu şəhər Azərbaycan xalqının tarixində və həyatında mühüm rol oynamış və oynamağa davam edir. Bu şəhər Nizami Gəncəvi, Əbulula Gəncəvi, Məhsəti Gəncəvi kimi böyük şair və filosofları ilə tanınan bölgənin mədəniyyət mərkəzlərindən olmaqla yanaşı, həm də tarixən Azərbaycan xalqının xarici təcavüzə qarşı gücünü və dayanıqlığını simvollaşdırır. Bu mənada, Gəncənin 1918-ci ildə müsəlman dünyasında Azərbaycanın ilk demokratik respublikasının ilk paytaxtı, demokratiyanın vətəni olması heç də təsadüfi deyil.

Bildiyiniz kimi, mədəni irsin hədəfə alınması, ICC-nin 2016-cı ildə Əl-Mehdi işi ilə bağlı verdiyi məşhur qərarına uyğun olaraq müharibə cinayətidir. Ermənistan 27 ildən çoxdur ki, işğal olunmuş Azərbaycan ərazilərdəki mədəni və tarixi irsin xarakterini sistematik və qəsdən məhv edir və ya dəyişdirir. Bu, ATƏT-in 2005 və 2010-cu illərdə işğal olunmuş ərazilərə dair fakt araşdırma missiyaları tərəfindən sənədləşdirilmişdir. Bundan əlavə, beynəlxalq medianın peyk şəkilləri və hesabatları da bu qanunazidd hərəkətlərin beynəlxalq humanitar hüquqa, o cümlədən 1954-cü il üçün UNESCO-nun Haaqa Konvensiyasının Silahlı Münaqişə Baş verdikdə Mədəni Mülkiyyətin Qorunması və onun 2 Protokollarına zidd olmasına şahidlik edir.

UNESCO-nun sadiq üzvü olaraq, Azərbaycan hər zaman Təşkilatın mədəni irsi saxlamaq və qorumaq üçün insanların kollektiv yaddaşının və şəxsiyyətinin qiymətli bir elementi kimi nəcib missiyasını dəstəkləyir. Bildiyiniz kimi, ölkəm nəinki UNESCO Üzv dövlətləri həm də NATO kimi digər beynəlxalq təşkilatlar tərəfindən geniş istifadə olunan və hərbi qurumlarda istinad materialına çevrilən Mədəni Sərvətlərin Mühafizəsi üzrə Hərbi Təlimatın hazırlanmasını və nəşrini həm texniki, həm də maliyyə cəhətdən dəstəklədi. Bu təlimat, hərbi personala silahlı qarşıdurmalar zamanı mədəni sərvətlərin qorunması barədə məlumat verən bu tip ilk nəşrdir.

Azərbaycan həmçinin UNESCO-nun fövqəladə hallarda Qeyri-maddi mədəni irsin qorunması ilə bağlı fəaliyyətini də dəstəkləyir və xüsusən də münaqişə ilə əlaqəli vəziyyətlərdə, o cümlədən məcburi yerdəyişmə vəziyyətlərində qeyri-maddi mədəni irsin qorunması üçün potensialın qurulması fəaliyyətlərinin inkişafı və həyata keçirilməsinə dəstək olaraq, ICH Fonduna - Qeyri-Maddi Mədəni İrs Fonduna maddi yardım etmişdir.

Dünya Miras - İrs Komitəsinin 43-cü iclası münasibətilə Azərbaycana son səfəriniz zamanı münaqişə anlarında irsi qorumaq üçün genişləndirilmiş tədbirlərə çağıran Bakı Bəyannaməsini qəbul etdik.

İnanıram ki, UNESCO yuxarıda göstərilən cinayətləri pisləməkdə və Ermənistan Respublikasını mülki şəxslərə, mülki infrastruktura, mədəni və dini abidələrə qəsdən hücumlardan çəkinməyə və beynəlxalq qanunlardan irəli gələn öhdəliklərə əməl etməyə çağırmaqda daha böyük və daha fəal rol oynaya bilər. Eyni zamanda, mən YUNESKO-nu da insanlıq əleyhinə olan erməni cinayətlərini ifşa etmək üçün beynəlxalq səylərin önündə görmək istərdim.

Bu mövzuda dəstəyinizə güvənirik və bölgədə davamlı sülh və təhlükəsizliyə nail olmaq üçün UNESCO ilə sıx əməkdaşlıq etməyə tam açıq və hazır olduğumuzu bir daha bəyan edirik.

Gəncə və onun mədəni və dini infrastrukturuna erməni hücumlarının nəticələrinin fotoları əlavə edilir.

Hörmətlə,

Anar Kərimov

Azərbaycan Respublikasının Mədəniyyət Nazirinin vəzifələrini müvəqqəti icra edən

XƏBƏRLƏR

17.06.2021 18:17
“Vətənpərvərlik mövzusunda ədəbiyyat müsabiqəsi” qaliblərinin mükafatlandırılması mərasimi keçirildi
17.06.2021 10:19
Azərbaycan ilə Xorvatiya arasında mədəni əlaqələr müzakirə edildi
16.06.2021 17:51
Şəhid ailələrinə və qazilərə diqqət və qayğı ilə yanaşırıq
16.06.2021 16:11
Mədəniyyət naziri dünya şöhrətli baletmeyster Eldar Əliyevi qəbul edib
14.06.2021 20:23
Mədəniyyət və incəsənət xadimlərinə mükafatlar təqdim olundu
14.06.2021 09:58
“Çıraqqala”da aparılan bərpa-konservasiya işləri davam edir
14.06.2021 09:57
Bakı Dövlət Sirkinin yeni milli truppasının ilk çıxışı təqdim olunub
11.06.2021 16:48
Ustad xanəndənin 120 illiyinə həsr olunmuş videokonfrans keçirildi
08.06.2021 10:47
Ağdam şəhərinə media-tur təşkil olunub
26.05.2021 16:18
Üzeyir Hacıbəyli adına Bakı Musiqi Akademiyasının 100 illik yubileyinin keçirilməsi haqqında Azərbaycan Respublikası Prezidentinin Sərəncamı
26.05.2021 15:59
Mədəniyyət naziri İslam Əməkdaşlığı Gənclər Forumunun nümayəndə heyətini qəbul edib
25.05.2021 16:58
“Nizamidən Yunusa: bir olmaq” mövzusunda videokonfrans keçirildi
24.05.2021 15:40
Mədəniyyət Nazirliyinin nümayəndə heyəti Rusiyaya səfər edib
24.05.2021 14:08
“Art Management” vebinarlarına start verilir
24.05.2021 10:14
Tahir Teymur oğlu Salahov
21.05.2021 18:15
Ümumdünya Dialoq və İnkişaf Naminə Mədəni Müxtəliflik Günü münasibətilə beynəlxalq vebinar keçirilib
21.05.2021 17:25
Müharibədən əziyyət çəkmiş sakinlər üçün mədəni proqramlar təşkil olunur
21.05.2021 16:05
Azərbaycan-Böyük Britaniya Hökumətlərarası Komissiyasının iclasında yaradıcı iqtisadiyyatın əhəmiyyətindən bəhs olunub
21.05.2021 12:31
Azərbaycan Respublikasının mədəniyyət naziri Anar Kərimov "Xalq qəzeti"nə müsahibə verib
19.05.2021 17:31
Milli Xalça Muzeyi intellektual oyun və “Muzeylər gecəsi” təşkil edib
19.05.2021 11:15
Beynəlxalq Muzeylər Günü münasibətilə keçirilən videokonfransda Qarabağ muzeyləri ilə bağlı müzakirələr aparılıb
19.05.2021 10:34
Azərbaycan xalçaları Xorvatiyada nümayiş edilib
18.05.2021 18:08
Məktəblilər üçün muzey həftəsi layihəsi çərçivəsində “Muzeylər və Nizami irsi” adlı virtual beynəlxalq proqrama start verilib
18.05.2021 14:00
Beynəlxalq Muzeylər Günü münasibətilə videokonfrans keçirilib
07.05.2021 20:41
Şuşadakı Qazançı kilsəsinin bərpası Azərbaycan dövlətinin öz mədəni irsinə, o cümlədən xristian irsinə diqqətini nümayiş etdirir
07.05.2021 17:33
Mədəniyyət Nazirliyi “Səhnədən səngərə” layihəsini təqdim edir
07.05.2021 11:58
Şuşa şəhərinin Azərbaycanın mədəniyyət paytaxtı elan edilməsi haqqında Azərbaycan Respublikası Prezidentinin Sərəncamı
07.05.2021 10:03
Xalq artisti Arif Quliyev vəfat edib
06.05.2021 15:36
Gənc istedadlar “Səhnədə” parlayacaq!
06.05.2021 12:15
Azərbaycan Milli Xalça Muzeyində “Ənənələrimizi yaşadanlar”