Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
577

Azərbaycan və Özbəkistan arasında keçirilən xalq simli musiqi alətləri ifaçılarının müsabiqəsi başa çatıb

Özbəkistandakı Heydər Əliyev adına Azərbaycan Mədəniyyət Mərkəzinin (AMM) təşəbbüsü, Azərbaycan Mədəniyyət Nazirliyinin və hər iki ölkə konservatoriyalarının dəstəyi ilə ölkələrimiz arasında xalq simli musiqi alətləri ifaçılarının beynəlxalq onlayn müsabiqəsi başa çatıb.

AMM-in direktoru Samir Abbasov iştirakçıları Milli Musiqi Günü münasibətilə təbrik edib, Azərbaycan-Özbəkistan dostluğu və əməkdaşlığı haqqında danışıb, keçirilən bu cür müsabiqələrin iki ölkə arasında mədəni əlaqələri genişləndirməklə yanaşı, yeni-yeni istedadların üzə çıxarılması, milli musiqimizin, musiqi alətlərinin təbliği üçün imkan yaratdığını vurğulayıb.

O, böyük musiqiçilərin yaşadığı Şuşa şəhərinin, Dağlıq Qarabağın Ermənistan silahlı qüvvələri tərəfindən işğal olunduğunu deyib, münaqişə nəticəsində Azərbaycan mədəniyyətinə dəymiş maddi və mənəvi ziyan barədə məlumat verib.

S. Abbasov dövlət səviyyəsində milli musiqimizin, musiqi alətlərimizin təbliği, bu istiqamətdə Heydər Əliyev Fondunun və Azərbaycan Mədəniyyət Nazirliyinin həyata keçirdiyi layihələr barədə danışıb.

Azərbaycan Milli Konservatoriyasının (AMK) rektoru, Xalq artisti, professor Səyavuş Kərimi müsabiqənin qaliblərini təbrik edib, belə maraqlı və aktual mövzuya həsr olunmuş müsabiqəni keçirdiyinə görə Mədəniyyət Mərkəzinə minnətdarlığını bildirib. S. Kərimi qeyd edib ki, sentyabrın 18-i günü Azərbaycan xalqının mədəniyyət tarixinə qızıl hərflərlə yazılıb. O, həmin gün görkəmli Azərbaycan bəstəkarları Üzeyir Hacıbəyov və Müslüm Maqomayevin anadan olduqlarını qeyd edib, bu tarixin Azərbaycan xalqının ümummilli lideri Heydər Əliyevin Sərəncamı ilə Milli Musiqi Günü kimi qeyd edildiyini bildirib.

Özbəkistan Dövlət Konservatoriyasının professoru, “SOQDİANA” xalq çalğı alətləri Dövlət Kamera Orkestrinin bədii rəhbəri, dirijoru Firuzə Əbdürrəhimova Azərbaycanla mədəni əlaqələrin inkişafı barədə danışaraq AMM-nin fəaliyyətini yüksək qiymətləndirib, mərkəzin dəstəyi ilə Özbəkistanda musiqi sahəsi üzrə ali məktəblərdə Azərbaycan bəstəkarlarının əsərlərinin tədris olunduğunu diqqətə çatdırıb, musiqi kollektivlərinin də bu əsərləri sevə-sevə ifa etdiklərini bildirib. O belə tədbirlərin əhəmiyyətini qeyd edib, tədbir çərçivəsində AMK ilə əməkdaşlığın genişləndirilməsi barədə razılıq əldə olunduğunu, gələcəkdə Bakıya səfər edəcəklərini bildirib.

Daha sonra Azərbaycan və Özbəkistan arasında xalq simli musiqi alətləri ifaçılarının onlayn-müsabiqəsinin qaliblərinin adları elan edilib.

Tar- kaşkar rübabı nominasiyası üzrə Özbəkistan Dövlət Konservatoriyasının IV kurs tələbəsi Dilşod Fozilov birinci, AMK-nın III kurs tələbəsi Hüseyn Quliyev ikinci, AMK-nın məzunu Nurlan Cəbizadə və Özbəkistanın ixtisaslaşdırılmış musiqi-incəsənət məktəbinin 11-ci sinif şagirdi İcod Nazarov üçüncü yerə layiq görülüblər.

Kamança-gicak nominasiyası üzrə AMK-nın gənc müəllimi Mədinə Şahgəldiyevaya birinci, "Soqdiana"nın solisti Sancar Qodirova ikinci, AMK-nın gənc müəllimi Könül Vəliyevaya üçüncü mükafat verilib.

Ud-qanun nominasiyası üzrə AMK-nın yetirməsi Bayram Üzeyirov birinci, həmin ali musiqi məktəbinin III kurs tələbəsi Behnam Məhəmmədəlizadə ikinci, Özbəkistan Dövlət Konservatoriyasının IV kurs tələbəsi Oqabək Akramov üçüncü mükafata layiq görülüblər. Qaliblər Mədəniyyət Mərkəzinin fəxri diplomları və pul mükafatları ilə təltif ediliblər.

Sonda müsabiqə qaliblərin iştirakı ilə hər iki ölkənin milli musiqilərindən ibarət onlayn qala-konsert proqramı təqdim edilib.

XƏBƏRLƏR

23.10.2020 15:58
Azərbaycan Respublikası Mədəniyyət Nazirliyinin Zəngilandakı məscidin ermənilər tərəfindən təhqir olunması ilə bağlı BƏYANATI
20.10.2020 16:37
Mədəniyyət Nazirliyinin Xudafərin körpüləri ilə bağlı Bəyanatı
15.10.2020 18:02
Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib
14.10.2020 09:30
Şuşa qalasına həsr olunmuş virtual sərgi açılıb
12.10.2020 09:15
Mədəniyyət obyektlərinin oğurlanması və ya qeyri-qanuni ixracı ilə bağlı beynəlxalq onlayn konfrans keçirilib
09.10.2020 18:14
Mədəniyyət Nazirliyi “Qarabağnamə” layihəsini təqdim edir
09.10.2020 10:27
Mədəniyyət Nazirliyində Özbəkistan səfiri ilə görüş keçirilib
07.10.2020 11:35
Mədəniyyət Nazirliyi tərəfindən beynəlxalq təşkilatlara müraciət ünvanlanıb
05.10.2020 11:13
Azərbaycan Respublikası Mədəniyyət Nazirliyinin BƏYANATI
03.10.2020 16:18
“Ordumuz üçün yarat” layihəsinin təqdimatı keçirildi
03.10.2020 12:29
Anar Kərimov Rusiya və Kolumbiyanın ölkəmizdəki səfirləri ilə görüşüb