Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
169

Xalça Muzeyində “Azərbaycan xalçası və Kübra Əliyeva” mövzusunda mühazirə dinlənilib

Yanvarın 25-də Azərbaycan Milli Xalça Muzeyində “Azərbaycan xalçası və Kübra Əliyeva” mövzusunda mühazirə dinlənilib.

Mühazirədə gənc xalçaçılar, tələbələr və xalça həvəskarları iştirak ediblər.

Mühazirədə, əvvəlcə, Əməkdar incəsənət xadimi, sənətşünaslıq üzrə elmlər doktoru, professor Kübra Əliyevanın keçdiyi həyat yolu barədə məlumat verilib. Qeyd olunub ki, tanınmış xalça ustası Lətif Kərimovun sevimli tələbəsi və layiqli davamçısı olan Kübra xanım 50 ildən artıqdır həyatını bu sahəyə həsr edib. O, “Azərbaycan xovsuz xalçaları”, “Xalı və xalçaçılıq terminləri lüğəti” kitablarının müəllifi və “XVI-XVII əsr Təbriz xalça məktəbi və onun Yaxın və Orta Şərq xalça sənəti ilə əlaqəsi”, eləcə də “Lətif Kərimov: həyat və yaradıcılığı” kitablarının həmmüəllifidir. Onun müxtəlif dillərdə çap olunan çoxlu məqalələri var. Dövlət Rəssamlıq Akademiyasının professoru olan Kübra Əliyeva Avropa, Yaxın Şərq ölkələrində keçirilən sanballı elmi simpozium və konqreslərdə Azərbaycan incəsənəti ilə əlaqədar məruzələrlə çıxış edib.

Professor özü haqqında qısaca məlumat verib: “Azərbaycanın nəşriyyat tarixində görkəmli yeri olan Orucov qardaşlarından Abuzər Orucovun qız nəvəsiyəm. Ziyalı ailəsində anadan olmuşam. Mənim xalçaçılığa gəlişim atamla Lətif Kərimovun dostluğundan başlayıb. Lətif müəllimin xeyir-duası ilə bu sahədə ilk addımlarımı atandan sonra Lomonosov adına Moskva Dövlət Universitetində professor V.M.Vasilenkonun yanında təcrübə keçmişəm.”

Mühazirə zamanı professor Kübra Əliyeva xalçaçılıq sənətini öyrənmək üçün ötən əsrin 60-cı illərinin axırlarından başlayaraq ekspedisiyalarda olduğunu, fərqli etnoqrafik ənənələri, mifləri topladığını, memarlıq abidələrini öyrəndiyi haqqında məlumat verib. O, ölkəmizin ərazisini qarış-qarış gəzərək xalqımızın tarixini, keçdiyi keşməkeşli yolu mükəmməl öyrənib, müxtəlif mənbələrə üz tutub. Xalça sənətinin özündə, həm də mifologiya, etnoqrafiya və fəlsəfəni birləşdirdiyini söyləyən görkəmli xalçaçı-rəssam çoxlu maraqlı məlumatlar verib və milli irsimizin yorulmaz tədqiqatçısı və təbliğatçısı kimi sənətinin incəliklərindən bəhs edib.

XƏBƏRLƏR

25.02.2020 14:59
Beşinci Buktreyler Festivalında iştirak üçün 8 addım
25.02.2020 14:24
Vətəndaşların təklifləri mədəniyyətin inkişafına həssas münasibətdən xəbər verir
25.02.2020 14:09
Milli Kitabxanada “Xocalı – XX əsrin soyqırımı” adlı kitab sərgisi açılıb
25.02.2020 14:00
Özbəkistanda Əbdürrəhim bəy Haqverdiyevin 150 illiyi ilə bağlı tədbirlər keçiriləcək
25.02.2020 13:57
“Xocalı-şəhid şəhər” rəsm müsabiqəsinin yekun sərgisi açılıb
25.02.2020 12:17
Mədəniyyət naziri Masallı rayonunda vətəndaşlarla görüşüb
25.02.2020 12:09
Xocalı faciəsini unutmayaq!
25.02.2020 12:09
“Paris Notr-Dama ithaf” tamaşası növbəti dəfə səhnədə
25.02.2020 10:16
Vokalçıların Müslüm Maqomayev adına VI beynəlxalq müsabiqəsinə ərizə qəbulu başlayıb
25.02.2020 09:45
İstanbulda “Cəhənnəmdə 8 gün” teatr tamaşasının premyerası olub
25.02.2020 09:29
Xalq rəssamı Arif Hüseynovun “Qarabağnamə. Tarixin səhifələri” kitabının təqdimatı olub
24.02.2020 17:52
Bəstəkarlar İttifaqında Xocalı faciəsi qurbanlarının xatirəsi anılıb
24.02.2020 17:40
“Xocalı ruhlarının harayı” adlı anım tədbiri keçirilib
24.02.2020 17:19
UNESCO-nun “İnformasiya hamı üçün” Proqramının Azərbaycan Komitəsinin növbəti iclası keçirildi
24.02.2020 17:16
Azərbaycan Milli İncəsənət Muzeyinin kollektivi Azərbaycanın Cəbrayıl rayonunun Cocuq Mərcanlı kəndində Xocalı soyqırımına həsr olunmuş tədbir keçirmişdir
24.02.2020 17:08
Xocalı qurbanlarının xatirəsi Daşkənddə də anılıb
24.02.2020 13:51
Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının yeni tərkibinin təsdiq edilməsi haqqında Azərbaycan Respublikası Prezidentinin Fərmanı
24.02.2020 10:01
Azərbaycan Özbəkistanda keçirilən konfransda təmsil olunub
24.02.2020 09:50
“Akvariuma xüsusi sifariş” tamaşasının premyerası olacaq
24.02.2020 08:38
Nəriman Nərimanovun Xatirə Muzeyində Xocalı faciəsi ilə bağlı ədəbi-bədii kompozisiya təqdim edilib