Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
3339

Köln şəhərində konsert: “Qara Qarayev – ölməz düha”

Almaniyanın Köln şəhərinin məşhur “Sankta Klara” kamera musiqisi zalında “Qara Qarayev – ölməz düha” adlı konsert təşkil olunub.

XIV əsrin qədim tarixi abidəsi olan “Sankta Klara Keller”də keçirilən konsert görkəmli Azərbaycan bəstəkarı Qara Qarayevin xatirəsinə həsr edilib.

Konsert Köln şəhərinin mədəniyyət şöbəsinin, Alman–Azərbaycan Forumunun dəstəyi və Avropa Əməkdaşlıq Forumunun təşkilati yardımı ilə reallaşıb.

Əvvəlcə Alman-Azərbaycan Forumunun mədəniyyət və incəsənət şöbəsinin rəhbəri Samira Patzer çıxış edərək, Qara Qarayevin yaradıcılığından, Azərbaycan və dünya musiqisində tutduğu yerdən söz açıb. O, Qara Qarayevin yaradıcılığının Qərb musiqisi ilə əlaqələrini vurğulayıb, eyni zamanda, Qarayev musiqisinin muğam sənəti ilə bağlılığını qeyd edib.

Azərbaycan Respublikasının Əməkdar artisti Elnara İsmayılova (piano), Anar İbrahimov (skripka), Martin Lindsej (vokal, Almaniya) Qara Qarayevin kamera-instrumental əsərlərini ifa ediblər. Konsertdə Qara Qarayevin seçilmiş prelüdləri, “Don Kixot” simfonik qravüralarından parçalar, skripka və fortepiano üçün sonata, “Yeddi gözəl” baletindən parçalar, Puşkinin sözlərinə bəstələnmiş iki romansı və digər əsərləri səsləndirilib.

Deklamasiya sənətkarı Peter Tonqer Qara Qarayevin musiqi haqqında sitatlarını, görkəmli şəxsiyyətlərin onun haqqında fikirlərini səsləndirib. O, dahi Azərbaycan şairi və filosofu Nizaminin, ispan yazıçısı Servantesin, rus şairi Puşkinin əsərlərindən parçalar oxuyaraq, Qara Qarayevin zəngin mənəviyyatını, yüksək səviyyəli intellekt aləmini iştirakçılara çatdırıb.

Tədbirdə Kölndə yaşayan rəssam Margarita Kərimova-Sokolovanın “Musiqinin yaranması” silsiləsi və Qara Qarayevin musiqisinə həsr etdiyi rəsm əsəri nümayiş olunub.

Pianoçu Elnara İsmayılovanın Qara Qarayevin fortepiano əsərlərindən ibarət olan və Almaniyanın WDR şirkətində yazılmış diski, daha sonra Almaniyanın “Bellman“ nəşriyyatında çıxmış, Azərbaycan Respublikası Mədəniyyət Nazirliyinin dəstəyi ilə işıq üzü görmüş “Qara Qarayevin fortepiano üçün seçilmiş əsərləri” notları təqdim edilib.

Tədbirdə Köln şəhərinin mədəniyyət şöbəsinin rəisi Kristof Müller, WDR radio və televiziya şirkətinin nümayəndəsi, Qara Qarayevin musiqisi ilə yazılan disklərin prodüseri Bernhard Valerius, Köln Musiqi Akademiyasının prorektoru professor Tilman Klaus, Köln Musiqi Akademiyasının dekanı Brigitte Lindner, alman ictimaiyyəti, Azərbaycan diasporunun üzvləri iştirak ediblər.

Müvəffəqiyyətlə keçən konsert qonaqların böyük marağına səbəb olub, Qara Qarayev musiqisi dinləyicilər tərəfindən rəğbətlə qarşılanıb.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb