Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
647

Özbəkistanda keçirilən Birinci Beynəlxalq Xalq Tətbiqi İncəsənət Festivalının rəsmi açılış mərasimi olub

Özbəkistanın Kokand şəhərindəki qədim Xudayar Xan sarayında Birinci Beynəlxalq Xalq Tətbiqi İncəsənət Festivalının rəsmi açılış mərasimi olub.

Festivala dünyanın 78 ölkəsindən xalq tətbiqi sənətinin peşəkarları, bu sahənin ekspertləri qatılıb.

Rəsmi açılış mərasimində Özbəkistan Prezidenti Şavkat Mirziyoyev, hökumətin və parlamentin üzvləri, səfirlər, Azərbaycanın Mədəniyyət naziri Əbülfəs Qarayev, ölkəmizin Özbəkistandakı səfiri Hüseyn Quliyev, səfirliyin nəzdindəki Heydər Əliyev adına Azərbaycan Mədəniyyət Mərkəzinin direktoru Samir Abbasov və nazirliyin şöbə müdiri Günel Aslanova, beynəlxalq təşkilatların nümayəndələri, elm, mədəniyyət və incəsənət xadimləri iştirak edib.

Ölkəmizin nümayəndə heyəti, habelə festivalın fəxri qonaqları, müxtəlif ölkələrin təmsilçiləri və diplomatik korpusun nümayəndələri əvvəlcə Kokand şəhər Mərkəzi parkında quraşdırılmış dünyanın 70-ə yaxın ölkəsindən olan sənətkarlar tərəfindən hazırlanan əl işləri və tətbiqi sənət nümunələrinin nümayiş etdirildiyi xüsusi stendlərlə tanış olublar. Tanışlıq zamanı festivaldakı Azərbaycan guşəsinə də baxış keçilirib. Ölkəmizin müxtəlif bölgələrindən olan sənətkarlar tərəfindən hazırlanmış əl işləri və yeni sənətkarlıq nümunələrinin nümayiş etdirildiyi Azərbaycan stendi ilə tanış olan nazir Əbülfəs Qarayev ölkəmizdən gələn sənətkarlarla söhbət edib, əl işlərinə baxıb və onlara öz tövsiyələrini verib.

Qeyd edək ki, Azərbaycandan bu festivala tətbiqi sənət üzrə beş nümayəndə qatılıb. Onlar Azərbaycanda işlənən xalq tətbiqi sənəti nümunələrini nümayiş etdirirlər.  

Açılış mərasimində çıxış edən Özbəkistan Prezidenti Şavkat Mirziyoyev tədbirə qatılan ölkələrin nümayəndə heyətlərini salamlayaraq bildirib ki, tətbiqi sənət hər bir xalqın həyatında mühüm yer tutur. Belə festivalın keçirilməsi üçün bu qədim şəhər təsadüfən seçilməyib. 2000 illik tarixi olan Kokand Fərqanə vadisinin incisidir və bu qədim şəhər təkrarsız koloriti ilə fərqlənir.

Dövlət başçısı vurğulayıb ki, Fərqanə vadisi dünya elminə və mədəniyyətinə böyük şəxsiyyətlər bəxş edib. Əhməd Fərqani, Burxoniddin Marqilani, Zaxiriddin Məhəmməd Babur, Babaraxim Maşrab və digər şəxsiyyətləri tanımayan yoxdur.

Sonra Prezident Özbəkistanın digər şəhərlərinin tətbiqi sənət ustalarının uğurlarından danışıb.

Şavkat Mirziyoyev festivalın fəxri qonaqları, o cümlədən nazir Əbülfəs Qarayevlə görüşüb, qısa söhbət edib.

Açılış mərasimi Özbəkistanın incəsənət ustalarının geniş konsert proqramı ilə başa çatıb.

XƏBƏRLƏR

12.11.2019 15:35
Bakıda VI “Alüminium” Beynəlxalq Müasir İncəsənət Biennalesi keçiriləcəkdir
12.11.2019 14:13
UNESKO-nun 40-cı Baş Konfransı işə başlayıb
12.11.2019 09:24
Almatıda Azərbaycan mədəniyyəti və ənənələri günü keçirilib
12.11.2019 09:21
Qədim Xivə şəhərində Azərbaycan-Özbəkistan dostluğuna həsr olunan tədbir keçirilib
12.11.2019 09:12
Musiqili Teatrda mövsümün ilk premyerası – “Paris Notr-Dama ithaf”
12.11.2019 09:08
Azərbaycan-Özbəkistan dostluğuna aid sənədli film nümayiş etdirilib
12.11.2019 09:05
“Müəmmalı bir qətlin üç versiyası” növbəti dəfə “Yuğ” Teatrında
12.11.2019 09:02
“Müqəddəs Azərbaycan bayrağı” adlı musiqili ədəbi-bədii gecə təşkil edilib
09.11.2019 11:21
Filarmoniyada Yalçın Adıgözəlovun 60 illiyinə həsr olunmuş konsert keçirilib
09.11.2019 11:12
Azərbaycan Milli Xalça Muzeyinin fiziki imkanları məhdud şəxslərə uyğunlaşdırılmış ikinci mərtəbəsinin açılışı olub
09.11.2019 10:55
Şirvan aşıqları Beynəlxalq Muğam Mərkəzində geniş konsert proqramı ilə çıxış ediblər
08.11.2019 17:04
Azərbaycan və Özbəkistan ədəbi əlaqələrinə dair beynəlxalq konfrans keçirilib
08.11.2019 16:45
Mərkəzi İncəsənət məktəbində “BAYRAĞIMIZ- QÜRURUMUZDUR!” adlı tədbir keçirildi
08.11.2019 16:20
Dövlət Bayrağı Günü münasibətilə regional mədəniyyət idarələrinin təşkilatçılığı ilə tədbirlər keçirilir
08.11.2019 16:02
Mədəniyyətin müxtəlif ixtisaslarını əhatə edən kurs proqramları hazırlanıb
08.11.2019 15:58
Milli Kitabxanada Bayraq Gününə həsr olunmuş kitab sərgisi açılıb
08.11.2019 15:56
Dünya şöhrətli belçikalı violin ifaçısı Maykl Qutman Bakıda çıxış edəcək
08.11.2019 14:11
Azərbaycan Dövlət Akademik Opera və Balet Teatrında “Vaqif” operası nümayiş edilib
08.11.2019 10:20
Ağcabədi rayonunda “Xarı Bülbül” festivalı keçirildi
08.11.2019 09:54
Hər bir millətin bayrağı onun milli kimliyinin ifadəsidir
08.11.2019 09:52
Saatlıda Nəsiminin 650 illiyinə həsr olunmuş tədbir keçirilib
08.11.2019 09:17
Milli Azərbaycan Tarixi Muzeyində “Qarabağ xanı Mehdiqulu xanın bayrağı” kitabının təqdimatı keçirilib
08.11.2019 09:05
Görkəmli bəstəkar Tofiq Quliyevin xatirəsi yad olunub
07.11.2019 16:57
Rəssam Mixail Şemyakin Azərbaycan Rəssamlıq Akademiyasında ustad dərsi verib